Big fan ម៉ង! Lisa ក្រុម BLACKPINK សុខចិត្ត ស្កាត់ចូលរួម ការប្រគុំតន្រ្តី ក្រុម SHINee ដល់សិង្ហបុរី

សិង្ហបុរី៖ កាលពីថ្ងៃទី ២ ខែមីនា ក្រុមចម្រៀងបុរស SHINee បានធ្វើការប្រគុំតន្ត្រី «SHINee WORLD VI: PERFECT ILLUMINATION» របស់ពួកគេនៅឯកីឡដ្ឋាន Singapore Indoor Stadium។

អ្វីដែលគូរឲ្យចាប់អារម្មណ៍ តារាស្រី Lisa ក៏ជាអ្នកទស្សនាការប្រគុំតន្ត្រីម្នាក់ក្នុងចំណោមអ្នកចូលរួមជាច្រើននាក់ផងដែរ ​ដោយត្រូវបានដឹងថា ក្រោយការប្រគុំតន្រ្តីបានបញ្ចប់ SHINee បានបង្ហោះរូបថតមួយសន្លឹកដែលពួកគេបានថតជាមួយ Lisa នៅខាងក្រោយឆាកនៅឯការប្រគុំតន្ត្រី។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

មិនត្រឹមតែ Lisa នោះទេ Sorn សមាជិកក្រុម CLC ក៏បានចូលរួមក្នុងការប្រគុំតន្ត្រីនេះផងដែរ ហើយក្រោយមកនាងបានបង្ហោះលើ Instagram Stories ដើម្បីចែករំលែករូបថតក្រុមក៏មាន Lisa ផងដែរ ដែលធ្វើឲ្យហ្វេនៗ មានភាពសប្បាយចិត្តជាខ្លាំង ទៅនឹងភាពសិ្នទ្ធស្នាលរបស់ពួកគេ ថ្វីត្បិត តារាប្រុសស្រីទាំងនេះ មានទ្រនំខុសៗគ្នាក៏ដោយ៕

ប្រភព៖ soompi

• តារាកូរ៉េ