ភរិយា Justin បង្ហោះ​​​សារឡើងផ្អែម ក្នុងថ្ងៃខួបកំណើតស្វាមី

កម្សាន្ត៖ តារាម៉ូដែលស្រី Hailey Bieber បានអបអរខួបកំណើតរបស់ស្វាមី លោក Justin Bieber ជាមួយនឹងសារដ៏ផ្អែមល្ហែមនៅលើ បណ្ដាញសង្គម Instagram ព្រមជាមួយនឹងរូបថតដ៏គួរឱ្យស្រលាញ់ ដែលទាក់ទាញបេះដូងអ្នកគាំទ្រជាច្រើន។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងនោះដែរ តារាម៉ូដែលស្រី Hailey បានបង្ហោះរូបថតរបស់នាង និង ស្វាមី លោក Justin ដែលបានថើ.បគ្នាយ៉ាងផ្អែមល្ហែម រួមទាំងរូបថតពីថ្ងៃរៀបការរបស់ពួកគេក្នុងឆ្នាំ ២០១៨។ មិនត្រឹមតែប៉ុណ្ណោះ ក្នុង​ឈុត​រូបថត Hailey ក៏​បាន​បង្ហាញ​រូបថត​របស់ Justin កាល​នៅ​ក្មេង និង​ពេល​បច្ចុប្បន្ន​ក្នុង​កម្មវិធី​ខួប​កំណើត​គម្រប់ ៣០ ឆ្នាំ​របស់​ស្វាមី ទៀតផង។

ការ​បង្ហោះ​របស់ Hailey Bieber ទទួល​បាន​ការ​ចុច Likes ដល់​ទៅ​ជាង ៣ លាន​ និង​មាន​មតិ​រាប់​មិន​អស់​ដែល​បាន​ជូនពរ លោក Justin ឱ្យ​មាន​សុភមង្គល​ក្នុង​ថ្ងៃ​កំណើត ខណៈដែលមានអ្នកគាំទ្រជាច្រើនទៀត ក៏បានសរសើរពីភាពផ្អែមល្ហែមរបស់តារាចម្រៀងប្រុស និងភរិយាផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ