មកមើលផ្ទះរបស់ អតីតស្វាមី Yoghurt ដែលធ្លាប់បានរៀបចំឡើងយ៉ាងស្រស់ស្អាត ដើម្បីនាង

កម្សាន្ត៖ គឺជារឿងរ៉ាវមួយដែលបានទាញយកចំណាប់អារម្មណ៍ទស្សនិកជនជាច្រើន ក្រោយពី តារាសម្ដែងស្រី Yoghurt Nattasha និងអតីតស្វាមី បានចេញមកនិយាយពីរឿងរ៉ាវរបស់ខ្លួន ជាលើកដំបូង ដោយបានបង្ហើបថា ពួកគេមានបញ្ហាមួយរយៈមកហើយ និង​បានលែងលះគ្នា ​ដោយបន្សល់ត្រឹមឋានៈជាបងប្អូនល្អនឹងគ្នា តែប៉ុណ្ណោះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

បន្ទាប់ពីមានរឿងនេះហើយ ស្រាប់តែថ្មីៗនេះ មានការបើកបង្ហាញឲ្យឃើញ ពីទិដ្ឋភាពផ្ទះដ៏ប្រណីត របស់ ពិធីករ លោក PK Piyawat ដែលមានតម្លៃជាង១០០លានបាត តុបតែងដោយគ្រឿងសង្ហារឹមគ្រប់ជ្រុងជ្រោយ ដែលផ្ទះមួយនេះ ​ត្រូវ​បាន​គេដឹងថា ត្រូវបានរៀបចំ​សម្រាប់ Yoghurt ដែលជា អតីត​ភរិយា ទៀតផង។

មិនត្រឹមតែប៉ុណ្ណោះ ផ្ទះដ៏ស្រស់ស្អាតមួយនេះ ត្រូវបានតុបតែងឡើងសម្រាប់ ជាលំនៅឋាន ពេលរៀបការជាមួយ អតីតភរិយា​ Yoghurt ខណៈដែលនៅមុខផ្ទះ ក៏មានផ្លាកសញ្ញាឈ្មោះ PKYG ដែលមកពី PK-Yoghurt ផងដែរ។ យ៉ាងណាមិញ បើទោះបីជាពេលនេះ PK និង Yogurt បានបញ្ចប់ទំនាក់ទំនងប្ដីប្រពន្ធ និងកាត់បន្ថយមកត្រឹមឋានៈជាបងប្អូនល្អនឹងគ្នាក្ដី តែហ្វេនៗជាច្រើន នៅតែជឿជាក់ថា រាល់ការចងចាំល្អៗនៅក្នុងផ្ទះមួយនេះ គឺជាសុភមង្គលដែលនៅតែដក់ជាប់ក្នុងចិត្តរបស់អ្នកទាំងពីរ ផងដែរ៕

ប្រភព៖ Sanook

សូមទស្សនារូបភាពខាងក្រោម៖ 

• រូបភាព
• តារាថៃ