កម្សាន្ត៖ ថ្មីៗនេះ តារាសម្ដែង Barbie Hsu បានទាញយកចំណាប់អារម្មណ៍ពីអ្នកគាំទ្រជាច្រើន និងបានបង្កភាពចម្រូងចម្រាស ទៅលើការស្លៀកពាក់របស់នាង ពេលចូលរួមពិធីបុណ្យសពឪពុកក្មេករបស់ ពិធីការិនី Dee Hsu ដែលត្រូវជាប្អូនស្រីនាង កាលពីរសៀលថ្ងៃទី៤ ខែមីនាកន្លងទៅនេះ។
ក្នុងនោះដែរ មនុស្សជាច្រើន បានកត់សម្គាល់ឃើញថា សម្លៀកបំពាក់របស់ តារាសម្ដែងស្រី Barbie Hsu មើលទៅដូចជាស្ដើងពេក បញ្ចេញឲ្យឃើញឈុតក្នុង រហូតនៅលើ Weibo មនុស្សជាច្រើនបានលើកឡើងថា ពួកគេមានភាពភ្ញាក់ផ្អើលជាមួយនឹងសម្លៀកបំពាក់ដែលតារាស្រីរូបនេះបានជ្រើសរើស។
យ៉ាងណាមិញ បន្ទាប់ពីមានការលើកឡើងបែបនេះហើយ បច្ចុប្បន្ន តារាស្រីរូបនេះ មិនទាន់បានចេញមកបកស្រាយ ចំពោះមតិរិះគន់ ទៅលើរូបនាង នៅឡើយទេ។ ហើយនេះក៏ជាលើកទីមួយ ដែល តារាសម្ដែងស្រី Barbie Hsu បានបង្ហាញខ្លួន នៅចំពោះមុខប្រព័ន្ធផ្សព្វផ្សាយ ចាប់តាំងពីការលែងលះជាមួយអតីតស្វាមី និងរៀបចំការរៀបការយ៉ាងរហ័ស ជាមួយនឹង លោក DJ Koo៕
ប្រភព៖ Ngoisao.net
សូមទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
