រូបភាពថ្មីរបស់ Hwasa គេងនៅលើគ្រែ កំពុងត្រូវអ្នកគាំទ្រ វែកញែកខ្លាំង

កូរ៉េខាងត្បូង៖ ប្រិយមិត្តប្រាកដជាបានស្គាល់ហើយ ពីតារាចម្រៀង Hwasa ដែលនាងជាសមាជិកម្នាក់ក្នុងក្រុមចម្រៀង MAMAMOO និងមានស្ទាយ៍តុបតែងខ្លួនក៏ដូចជាមុខមាត់ខុសប្លែកពីស្តង់ដារ តារា KPOP ស្រីទូទៅ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

Hwasa មានសម្រស់ស្រស់ស្អាតបែបហឹរហត និងជានារីដែលមានទំនុកចិត្តខ្លាំងណាស់ រហូតទទួលបានការសរសើរពីសំណាក់អ្នកគាំទ្រ ថានាងពិតជាមានភាពខុសប្លែកពីអ្នកដទៃ និងហ៊ានធ្វើអីជាខ្លួនឯង។

ថ្មីៗនេះ Hwasa បានចេញមកឲ្យអ្នកគាំទ្រចំហមាត់ បន្ទាប់ពីបង្ហោះរូបភាព នាងស្លៀកតែខោទ្រនាប់និងអាវយឺត គេងនៅលើគ្រែជាមួយសត្វចិញ្ចឹមរបស់នាង នៅលើបណ្ដាញសង្គម Instagram ដោយរូបភាពនេះមានពណ៌សខ្មៅប៉ុណ្ណោះ។

ភ្លាមៗបន្ទាប់ពីនោះក៏មានមតិជាច្រើនចេញមកវែកញែក ដោយអ្នកខ្លះថានាងមិនសមបង្ហោះរូបភាពបែបនេះទេ ក្នុងនាមជាតារា KPOP ប៉ុន្តែអ្នកខ្លះគិតថាវាជាការរស់នៅ និងរឿងរ៉ាវផ្ទាល់ខ្លួនរបស់នាង មិនគួរយកមកជជែកវែកញែកទេ ដោយសារនេះមិនមែនជាពេលដែលនាងស្លៀកពាក់ឡើងប្រគុំតន្ត្រីឡើយ៕  

ប្រភព៖: allkpop

• រូបភាព
• តារាកូរ៉េ