ក្រោយលែងលះស្វាមី Yoghurt ស្រាប់តែបង្ហាញសកម្មភាពមួយនេះ

ថៃ៖ ហ្វេនៗនៅតែមានការចាប់អារម្មណ៍ បន្ទាប់ពី តារាសម្ដែងស្រី Yoghurt Nattasha បានចេញមកបើកបង្ហាញដោយត្រង់ពីទំនាក់ទំនងប្ដីប្រពន្ធ ដែលបានដើរដល់ផ្លូវបញ្ចប់ និងបានលែងលះគ្នាជាផ្លូវការ ដោយបន្សល់ត្រឹមឋានៈជាបងប្អូនល្អនឹងគ្នា។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ​ ថ្មីៗនេះ តារាសម្ដែងស្រីរូបនេះ ស្រាប់តែបានធ្វើឲ្យហ្វេនៗយកចិត្តទុកដាក់សាជាថ្មី នៅពេលដែលនាង បានសុំ​បន្ត​ដំណើរ​ការ​ជាមួយ​នឹងភាព​នៅ​លីវរបស់នាងម្ដងទៀត។ អ្វីដែលសំខាន់នោះ គេសម្គាល់ឃើញថា នាងបានលុបរូបភាពទាំងអស់ជាមួយនឹងអតីតស្វាមី លោក PK នៅលើ Instagram ខណៈសូម្បីតែរូបភាពក្នុងពិធីមង្គលការ ក៏បាត់អស់ដែរ។

ជាមួយគ្នានេះដែរ ទាំង​មិត្តភ័ក្តិ​ក្នុង​សិល្បៈកម្សាន្ត រួមទាំងអ្នកគាំទ្រ សុទ្ធតែបានចូលមកបញ្ចេញមតិ និងគាំទ្រ ដល់រូបនាង យ៉ាងច្រើន  ហើយក៏បានជឿជាក់ថា ក្រោយពីជួបព្យុះភ្លៀង នឹងមេឃនឹងស្រឡះ និងមានភាពភ្លឺស្រស់ថ្លាជានិច្ចសម្រាប់នាង​ ផងដែរ៕

ប្រភព៖ Sanook

សូមទស្សនារូបភាពខាងក្រោម៖ 

• រូបភាព
• តារាថៃ