វាសនា​ Shinee ទៅជាយ៉ាងណា! Taemin ចាកចេញពីផលិតកម្ម SM បន្ទាប់ពីជ្រកកោណបាន១៦ឆ្នាំ

កូរ៉េខាងត្បូង៖ កាលពីថ្មីៗនេះ តារាចម្រៀងប្រុសដ៏ល្បីល្បាញនៃ Kpop ជំនាន់ទី២ Taemin ដែលជាសមាជិកក្រុម Shinee បានសម្រេចថា ខ្លួនមិនបន្ដកុងត្រាជាមួយផលិតកម្ម SM Entertainment ទៀតនោះទេ បន្ទាប់លោកជ្រកកោណក្រុមហ៊៊ុនមួយនេះ អស់រយៈពេល១៦ឆ្នាំមក។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដោយឡែក ចំពោះសកម្មភាពក្រុម Shinee នៅតែបន្ដដ៏ដែល ដោយ Taemin ឈប់បន្ដកុងត្រាក្នុងនាមជាតារាទោលនៅក្នុងផលិតកម្មតទៅទៀត។ យោងទៅតាមប្រភពព័ត៌មានបានឲ្យដឹងដែរថា តារាប្រុសរូបនេះ បានបន្ដកុងត្រាជាតារាទោលនៅក្នុងផលិតកម្ម Big Planet Made Entertainment វិញ។

គួរបញ្ជាក់ផងដែរថា Taemin បានបង្ហាញខ្លួនក្នុងក្រុម Shinee តាំងពីឆ្នាំ២០០៨មកម្ល៉េះ ហើយបើគិតមកដល់ឆ្នាំ២០២៤នេះ គឺមានរយៈពេល១៦ឆ្នាំមកហើយ។ ក្រោយពីលេចឮដំណឹងនេះហើយ អ្នកគាំទ្រនៅតែបន្ដគាំទ្រចំពោះ Taemin ក៏ដូចជាក្រុម Shinee ដ៏ដែលបើទោះបីជាលោកលែងនៅផលិតកម្ម​ SM ក៏ដោយចុះ៕

ប្រភព៖​ Spotv News

• រូបភាព
• តារាកូរ៉េ