Jennie ស្លៀករ៉ូបខ្មៅរឹបទ្រូ»-ង នៅ Paris Fashion Week

បារាំង៖ នរណាៗក៏ស្គាល់ Jennie ដែរព្រោះនាងមិនត្រឹមតែជាតារាចម្រៀងដ៏លេចធ្លោក្នុងក្រុមចម្រៀងនារី BLACKPINK នោះទេ តែនាងក៏ជាអ្នកនាំស្លៀកពាក់ម៉ូតថ្មីៗជាច្រើនផងដែរ ហើយមិនថានាងទៅណាមកណា គឺតែងតែក្លាយជាចំណុចចាប់អារម្មណ៍។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាក់ស្ដែងកាលពីថ្ងៃទី៥ខែមីនាកន្លងទៅនេះ Jennie បានចេញមកបង្អួតរាងនៅ Paris Fashion Week ក្នុងកម្មវិធីដើរម៉ូតរបស់ Chanel ដែលនាងជាអ្នកតំណាងសាកល ឈ្មោះថា "Chanel's FW 24"។

ក្នុងនោះនាងបានស្លៀករ៉ូបខ្លីពណ៌ខ្មៅ ដៃតូច ដែលផ្នែកខាងលើរាងរឹប តែខាងក្រោមបែបប៉ោងៗ មើលទៅទាន់សម័យផងនិងគួរឲ្យស្រលាញ់ផង រួមជាមួយនឹងស្បែកជើងប៊ូតកវែង ដោយក្នុងនោះនាងបានពាក់ខ្សែកលេងម៉ូតជាច្រើននិងក្រវិលវែង បន្ថែមជាមួយនឹងស្រោមដៃវែង​​​មួយ​​​ចំហៀង។

ចំណែកការតុបតែងមុខវិញគឺ Jennie គូសភ្នែកបែប Smoky Eyes មើលទៅកាច តែផាត់ថ្ពាល់ពណ៌ផ្កាឈូកស្រាល និងក្រែមពណ៌ផ្កាឈូក ឯសក់ក៏លើកបួងជាកញ្ចុំដាក់បូពណ៌ខ្មៅ ហើយក្រងសក់ខាងមុខជាសរសៃតូចៗទម្លាក់មក គឺពិតជាប្លែកភ្នែក និងស្រស់ស្អាតខ្លាំង៕  

ប្រភព៖: allkpop

• រូបភាព
• តារាកូរ៉េ