Elon Musk បង្ហោះសារឌឺ Mark ក្នុង X បន្ទាប់ពី Facebook គាំងជាងមួយម៉ោង

អាមេរិក៖ កាលពីយប់ថ្ងៃទី៥ខែមីនាកន្លងទៅនេះ មហាសេដ្ឋី Elon Musk បានចេញមុខបង្ហោះសារឌឺដងទៅស្ថាបនិករបស់ក្រុមហ៊ុន Facebook គឺលោក Mark Zuckerberg បន្ទាប់ពីកម្មវិធីចំណុះក្រុមហ៊ុន Meta ដូចជា Facebook ,Messenger និង Instagram ជាដើមមានការគាំងមិនដំណើរការ រយៈពេលជាងមួយម៉ោង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ហេតុការណ៍នេះបានបង្កក្ដីជ្រួលច្របល់ដល់អ្នកប្រើប្រាស់ទូទាំងពិភពលោក បន្ទាប់ពីពួកគេពុំអាចបើកចូលគណនីរបស់ខ្លួនបាន ដោយក្រុមហ៊ុន Meta បានចេញមុខមកស្រាយបំភ្លឺថា វាពាក់ព័ន្ធទៅនឹងបញ្ហាបច្ចេកទេស។

ភ្លាមៗបន្ទាប់ពី Facebook បានគាំងលែងដំណើរការ Elon Musk ដែលជាម្ចាស់ក្រុមហ៊ុន X (កាលពីមុនហៅថា Twitter) បានបង្ហោះសារឌឺដង Mark ថា៖

If you’re reading this post, it’s because our servers are working

— Elon Musk (@elonmusk) March 5, 2024

ក្នុងនោះគណនី X ផ្លូវការបានបង្ហោះសារថា៖

we know why you’re all here rn

— X (@X) March 5, 2024

គួរបញ្ជាក់ផងដែរថា នេះមិនមែនជាលើកទីមួយទេដែល Elon Musk បានបង្ហោះសារឌឺដង Mark ព្រោះកន្លងមកមហាសេដ្ឋីទាំងពីរក៏ធ្លាប់បានបបួលគ្នាឡើងសង្វៀនផងដែរ៕  

pic.twitter.com/VTOACNfb3E

— Elon Musk (@elonmusk) March 5, 2024

ប្រភព៖: unilad

• រូបភាព
• តារាអន្តរជាតិ