Jennifer និង ស្វាមី ត្រូវបានហ្វេនៗជាច្រើន សរសើរលើរឿងនេះ នៅឯរោងកុន

បរទេស៖ តារាចម្រៀងស្រី Jennifer Lopez និងស្វាមី លោក Ben Affleck បានទាក់ទាញចំណាប់អារម្មណ៍ ពេលបានបង្ហាញសកម្មភាព សម្អាត​វត្ថុ​សេសសល់​ជាមួយ​គ្នា ​បន្ទាប់​ពី​មើល​រឿង «Dune 2» នៅ​រោង​ភាពយន្ត​ក្នុង​ទីក្រុង Los Angeles។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងនោះដែរ តាមរយៈទស្សនិកជន​ម្នាក់ ​បាន​ចែករំលែក​វីដេអូ​របស់ Jennifer និងស្វាមី ​ដែលកំពុង​ប្រមូល របស់ដែល​នៅ​សេសសល់ ដូចជារបស់ញ៉ាំ និងទឹក ​ក្រោយ​ការ​បញ្ចាំង​ភាពយន្ត​បានបញ្ចប់ ខណៈដែលទស្សនិកជនម្នាក់នេះ ក៏មានការភ្ញាក់ផ្អើលជាខ្លាំងផងដែរ ព្រោះចៃដន្យបានអង្គុយក្នុងរោងកុន ជាមួយតារាហូលីវូដមួយគូនេះ។

មិនត្រឹមតែប៉ុណ្ណោះ សកម្មភាពរបស់ តារាចម្រៀងស្រីរូបនេះ និងស្វាមី ក្នុងការសម្អាតរបស់ដែលនៅសេសសល់មុនពេលចាកចេញពីរោងកុន បានទទួលការសរសើរជាច្រើន រហូតមានអ្នក​គាំទ្រ​ម្នាក់​​បាន​បញ្ចេញ​មតិ​ថា ពិតជាគួរឲ្យគោរព​ជា​ខ្លាំង​ចំពោះទង្វើរបស់ Jennifer និង Ben ខណៈមានមនុស្ស​ជា​ច្រើន​ទៀត បានភ្លេច​អាហារ​និង​ភេសជ្ជៈ​នៅ​ទី​សាធារណៈ ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ