នៅសុខៗ Kylie និងគូស្នេហ៍ ត្រូវគេសង្ស័យថា បែកគ្នា ព្រោះតែរឿងមួយនេះ

បរទេស៖ ថ្មីៗនេះ អ្នកគាំទ្រជាច្រើន របស់មហាសេដ្ឋីវ័យក្មេង Kylie Jenner និងគូស្នេហ៍ លោក Timothée Chalamet មានការព្រួយបារម្ភថា គូស្នេហ៍តារាមួយគូនេះ ប្រហែលជាបានចែកផ្លូវគ្នា បន្ទាប់ពីមានទំនាក់ទំនងជិតមួយឆ្នាំ។ ជាពិសេស ការដែលអ្នកទាំងពីរ មិនបានឃើញមុខគ្នាជាសាធារណៈ តាំងពីខែមករាមក ធ្វើឲ្យមនុស្សជាច្រើនជឿថា អ្នកទាំងពីរបានបែកគ្នាដោយសម្ងាត់។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

កាលពីថ្ងៃទី ៥ ខែមីនាកន្លងទៅនេះ Kylie ត្រូវបានគេលើកឡើងពី ពាក្យចចាមអារ៉ាមអំពីស្នេហាបែកបាក់ ដោយចៃដន្យ នៅពេលដែលនាងបានបង្ហោះវីដេអូនៃសកម្មភាពប្រចាំថ្ងៃជាមួយកូនស្រីរបស់ខ្លួន Stormi Webster និងបងស្រី Kendall Jenner នៅលើ TikTok ដោយគ្មានដានពី មិត្តប្រុសរបស់នាង។ ហើយមនុស្សជាច្រើន បានជឿថា ការបង្ហោះនេះគឺជាការបង្ហើបពីការបែកបាក់របស់ Kylie ដោយសង្កត់ធ្ងន់ថា នាងធ្វើបានល្អក្នុងនាមជាម្តាយទោល ដើម្បីមើលថែកូនពីរនាក់ និងគ្រប់គ្រងអាជីវកម្មបានយ៉ាងល្អ ផងដែរ។ 

ទោះជាយ៉ាងណា ការ​ដែល គូស្នេហ៍របស់ Kylie លោក Timothée មិន​បាន​បង្ហាញ​ខ្លួន​ក្នុង​វីដេអូ​របស់មិត្ត​ស្រី​របស់​ខ្លួន​ ត្រូវ​បាន​គេ​និយាយ​ថា ​គឺ​ដោយ​សារ​តែលោកជាប់​រវល់​ផ្សព្វផ្សាយ​រឿង Dune: Part Two។ ហើយអ្នក​គាំទ្រ​មួយចំនួនទៀត បានលើកឡើងថា ​ប្រហែល​ជា​តារាប្រុស​រូប​នេះ​ នៅ​ជាមួយ​មិត្ត​ស្រី​ តែ​មិនបាន​ចូលថតជាមួយគ្នានោះទេ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ