ស្វីតខ្លាំងហ្មង! Travis បានមកដល់សាំងហ្កាពួរហើយ ដើម្បីលើកទឹកចិត្តមិត្តស្រី Taylor

សាំងហ្កាពួរ៖ នាយប់ថ្ងៃទី៧ខែមីនាកន្លងទៅនេះ Travis Kelce ជាកីឡាករបាល់ឱបរបស់ក្រុម Kansas City Chiefs បានធ្វើដំណើរតាមយន្តហោះឯកជនមកកាន់ប្រទេស សាំងហ្កាពួរ ដើម្បីចូលរួមលើកទឹកចិត្តមិត្តស្រី Taylor Swift ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

Taylor បានធ្វើការប្រគុំតន្ត្រី "The Eras Tour" នៅ សាំងហ្កាពួរចំនួន៦ថ្ងៃគឺថ្ងៃទី ២, ៣, ៤, ៧,៨ និងថ្ងៃទី៩ ដែលជាប្រទេសនៅអាស៊ីអាគ្នេយ៍តែមួយគត់ដែលនាងបានមកធ្វើការប្រគុំតន្ត្រី។

យ៉ាងណាមិញ ទោះគេមិនទាន់ថតរូប Travis បាន តែមិត្តភក្តិរបស់ Travis បានបង្ហោះរូបភាពថាបានមកជាមួយតារាបាល់ឱបនេះនៅសាំងហ្កាពួររួចហើយ។

គួរបញ្ជាក់ផងដែរថា Travis ក៏បានមកចួប Taylor នៅឯស៊ីដនី ប្រទេសអូស្ត្រាលីផងដែរ កាលពីការប្រគុំតន្ត្រី The Eras Tour នៅទីក្រុងស៊ីដនីដោយបានដើរលេងនៅសួនសត្វនិងថតរូបជាមួយគ្នា យ៉ាងផ្អែមល្ហែម៕  

ប្រភព៖: pagesix

• រូបភាព
• តារាអន្តរជាតិ