តែងខ្លួនត្រាប់តាម Lee Hyori អ៊ីចឹងទៅ Jennie ដូចនារីជឿនលឿនឆ្នាំ ២០០០

កូរ៉េខាងត្បូង៖ នរណាៗក៏ស្គាល់ថា Jennie មិនត្រឹមតែជាតារាចម្រៀងដ៏ល្បីឈ្មោះក្នុងក្រុមចម្រៀងនារី BLACKPINK ទេតែនាងក៏ជាអ្នកនាំអាទិ៍ខាងស្លៀកពាក់ម៉ូតសម្លៀកបំពាក់ថ្មីៗ ក៏ដូចជាស្ទាយ៍ប្លែកជាច្រើនផងដែរ ព្រោះមិនថានាងធ្វើអីឬក៏ពាក់អ្វីមួយទេ គឺអ្នកគាំទ្រចូលចិត្តពាក់តាមខ្លាំងណាស់។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ Jennie បានក្លាយជាចំណុចចាប់អារម្មណ៍ម្ដងទៀតក្រោយបានបង្ហាញខ្លួនក្នុងភាគថ្មីក្នុងកម្មវិធី "Apartment 404" ដែលតម្រូវឲ្យនាងនិងសមាជិកដទៃ ស្លៀកពាក់ម៉ូតខោអាវឆ្នាំ ២០០០ ដែលយើងហៅថា Y2K នោះឯង។

ក្នុងនោះ Jennie សម្រេចចិត្តស្លៀកពាក់ឲ្យដូច Lee Hyori ដោយស្លៀកខោវែងពណ៌កាគី គូជាមួយនឹងអាវ adidas ពណ៌ខ្មៅ និងពាក់ក្រវិលកងធំៗផងដែរ ដែលខោអាវនេះ Lee Hyori បានស្លៀកពេលផ្សព្វផ្សាយឲ្យក្រុមហ៊ុនទូរស័ព្ទមួយ។

សម្រស់របស់ Jennie ត្រូវបានគេសរសើរមិនដាច់ពីមាត់ថាស្រស់ស្អាតខ្លាំង មិនថានាងតែងខ្លួនបែបណាក៏ដោយ៕  

ប្រភព៖: allkpop

• រូបភាព
• តារាកូរ៉េ