វីឡា Taylor Swift ស្នាក់នៅសាំងហ្កាពួរ ឡើងស្អាតគួរឲ្យចង់រស់នៅ

បរទេស៖ ធ្វើឲ្យអ្នកគាំទ្រជាច្រើន កាន់តែចាប់អារម្មណ៍ ក្រោយពីមានការបើកបង្ហាញថា តារា​ចម្រៀង Taylor Swift កំពុង​ស្នាក់​នៅ​វីឡា​ប្រណីត​ក្នុង​រមណីយដ្ឋាន​ដ៏​ល្បី​មួយ ​ក្នុង​ប្រទេស​សិង្ហបុរី អំឡុងពេល​នាង​មក​ សម្រាប់​ដំណើរ​ប្រគុំតន្រ្តីមួយ​សប្ដាហ៍។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងនោះដែរ យោងតាម ​​Page Six បានលើកឡើងថា តារាចម្រៀងអាមេរិករូបនេះ កំពុងស្នាក់នៅ Colonial Manor ក្នុងរមណីយដ្ឋាន Capella ដែលមានអាយុកាលតាំងពីទសវត្សរ៍ឆ្នាំ ១៨៨០ នៅលើកោះ Sentosa ។ វីឡាដ៏ប្រណីតមួយនេះ មានបឹងហ្គាឡូពីរដែលត្រូវបានបំប្លែងទៅជា បន្ទប់គេងបី ហ៊ុំព័ទ្ធដោយអាងហែលទឹកឯកជន និងសួនច្បារដ៏ស្រស់ស្អាត។ លើសពីនេះ គ្រឿងបរិក្ខារផ្សេងទៀតរួមមាន បន្ទប់ទទួលទានអាហារ កន្លែងងូតទឹកខាងក្រៅ បន្ទប់គេងដ៏ធំ ដែលមានបន្ទប់ទឹកមានអាងងូតទឹកធំ ទៀតផង។

ម៉្យាងវិញទៀត តម្លៃជួលវីឡាមួយនេះ ក្នុងមួយយប់គឺមានរហូត ១៤០០០ ដុល្លារ ខណៈដែល តារាចម្រៀង Taylor បាន​មក​ទី​នេះ​ តាំង​ពី​ពាក់​កណ្តាល​សប្តាហ៍​មុន​ ដើម្បី​ត្រៀម​ខ្លួន​សម្រាប់​កម្មវិធី​ចំនួន ៦ ពី​ថ្ងៃ​ទី ២ ខែ​មីនា ដល់​ថ្ងៃ​ទី ៩ ខែ​មីនា ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ