ពិភពលោកស៊ីជម្ពូ Travis ឱបថើបមិត្តស្រី Taylor យ៉ាងផ្អែមល្ហែមក្រោយចប់ការប្រគុំតន្ត្រី

សាំងហ្កាពួរ៖ កាលពីយប់ថ្ងៃទី៨ខែមីនាកន្លងទៅ Travis Kelce បានធ្វើឲ្យ Taylor Swift ជាមិត្តស្រីមានការភ្ញាក់ផ្អើល ក្រោយបង្ហាញខ្លួនក្នុងការប្រគុំតន្ត្រី "The Eras Tour" នៅឯប្រទេសសាំងហ្កាពួរ រួមជាមួយមិត្តភក្តិរបស់គេ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ថ្ងៃទី៨នេះជាថ្ងៃទី៥ហើយដែល Taylor បានប្រគុំតន្ត្រីនៅសាំងហ្កាពួរ ដោយការប្រគុំតន្ត្រីនេះនឹងចប់សព្វគ្រប់នៅថ្ងៃទី៩ខែមីនា ជាយប់ចុងក្រោយដែលនាងសម្ដែងនៅសាំងហ្កាពួរ។

យ៉ាងណាមិញ គេបានប្រទះឃើញ Travis បានឈរនៅកន្លែង VIP ច្រៀងនិងរាំតាមមិត្តស្រីរបស់គេយ៉ាងរីករាយ ពេលនាងសម្ដែងបទ "Karma" ហើយបន្ទាប់ពីខនសឺតចប់ Taylor Swift បានរត់ទៅក្រោយឆាក ហើយឱបនិងថើបមិត្តប្រុសយ៉ាងផ្អែមល្ហែម ធ្វើឲ្យអ្នកគាំទ្រនាំគ្នាច្រណែន ដែលទំនាក់ទំនងពួកគេនៅតែរក្សាភាពស្អិតរមួតទោះបីទាក់ទងគ្នាបានជិតមួយឆ្នាំក្ដី។

គួរបញ្ជាក់ផងដែរថា Travis Kelce ក៏បានមកលើកទឹកចិត្ត Taylor ក្នុងការប្រគុំតន្ត្រីរបស់នាងនៅឯ អាហ្សង់ទីន និង អូស្ត្រាលីរួចមកហើយ ឯ Taylor វិញក៏ធ្លាប់បានទៅលើកទឹកចិត្តមិត្តប្រុសដល់ទីលានប្រកួតផងដែរ៕  

ប្រភព៖: pagesix

• រូបភាព
• តារាអន្តរជាតិ