Selena បង្ហោះរូប​​​ល្អូកល្អឺន ក្នុងថ្ងៃខួបកំណើតមិត្តប្រុស

បរទេស៖ កាលពីថ្ងៃទី ៨ ខែមីនាកន្លងទៅនេះ តារាចម្រៀងស្រី Selena Gomez បានទាញយកចំណាប់អារម្មណ៍ទស្សនិកជនជាច្រើន នៅលើបណ្ដាញសង្គម Instagram ជាមួយនឹងរូបថតដ៏រ៉ូមែនទិកជាបន្តបន្ទាប់ ជាមួយនឹងមិត្តប្រុស លោក Benny Blanco ក្នុងឱកាសខួបកំណើត។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងនោះដែរ អ្នកគាំទ្រជាច្រើន បានយកចិត្តទុកដាក់យ៉ាងខ្លាំង ទៅលើគូស្នេហ៍មួយគូនេះ ដោយបានបង្ហាញពីសកម្មភាពថើ.បគ្នាយ៉ាងល្អូកល្អឺន ខណៈត្រឹមតែមួយរយៈពេលខ្លី ការបង្ហោះរបស់តារាចម្រៀងស្រីរូបនេះ ទទួលបានការ Like ដល់ទៅជាង ៦ លាន ពីសាធារណជន និងបានក្លាយជារឿងដ៏គគុកនៅលើបណ្តាញសង្គម ហើយកម្រង​រូបភាព​ទាំងនេះ ​គឺ​ថត​តាំងពី​តារា​ទាំងពីរ​ បានចាប់ផ្តើម​ទាក់ទង​គ្នា​រហូត​មកដល់ពេលបច្ចុប្បន្ន។

ជាពិសេស មិនត្រឹមតែបានចែករំលែកភាពសប្បាយរីករាយប៉ុណ្ណោះទេ តារាស្រី Selena ក៏បានបង្ហោះសារជូនពរ រីករាយថ្ងៃកំណើតដល់មិត្តប្រុស និងសរសើរពីទេពកោសល្យ​ ចរិត​​ល្អ​ ក៏ដូចជាគុណសម្បត្តិដែលអាចបានយកឈ្នះចិត្ត របស់តារាស្រីរូបនេះ ផងដែរ៕

ប្រភព៖ Kenh14

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ