G-Dragon មានពាក្យចចាមអារ៉ាម ថាបានទាក់ទងគ្នា ជាមួយនឹងបវរកញ្ញាកូរ៉េរូបនេះ

កូរ៉េខាងត្បូង៖ នរណាៗក៏ស្គាល់ G-Dragon ដែរថាគេមិនត្រឹមតែជាអ្នកចម្រៀងនិងតារាឯកពូកែរ៉េប នៅកូរ៉េខាងត្បូងទេ តែក៏ជាអ្នកដែលចូលចិត្តលេងស្ទាយ៍ប្លែកៗផងដែរ ដោយកាលពីថ្មីៗកន្លងទៅនេះ គេទើបតែបានប្រកាសអះអាងថាខ្លួនឯងស្អាតស្អំ ពុំមានពាក់ព័ន្ធនូវរឿងអាស្រូវគ្រឿងញៀនណាមួយនោះឡើយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

បន្ទាប់ពីកេរ្តិ៍ឈ្មោះបានស្រោចស្រង់មកវិញ G-Dragon បានចុះកុងត្រាជាមួយក្រុមហ៊ុន Galaxy Corporation ដោយត្រៀមនឹងចេញបទចម្រៀងថ្មី ស្រាប់តែពេលនេះ allkpop បានចុះផ្សាយថា តារាចម្រៀងរូបនេះមានពាក្យចចាមអារ៉ាមថាបានទាក់ទងគ្នាជាមួយនឹង បវរកញ្ញាលំដាប់រងទី១របស់កូរ៉េឆ្នាំ ២០២២គឺ Kim Go Eun ។

គេអះអាងថាបានឃើញ G-Dragon បានទៅទស្សនាការប្រកួតបាល់ទាត់របស់ក្រុម Paris Saint-Germain នៅទីក្រុងអូសាកា ប្រទេសជប៉ុន កាលពីខែ​​កក្កដា ឆ្នាំ២០២៣ ជាមួយនឹងនារីម្នាក់នោះ និងបានប្រើប្រាស់ជណ្ដើរយន្តជាមួយគ្នានាពេលខុសគ្នា។

យ៉ាងណាមិញ Galaxy Corporation បានចេញមកច្រានចោលព័ត៌មាននេះថាមិនមែនជាការពិតនោះឡើយ គឺគ្រាន់តែជាមិត្តភក្តិជិតដិត ដែលជាទំនាក់ទំនងមិនពាក់ព័ន្ធនឹងស្នេហា៕

ប្រភព៖: allkpop

• រូបភាព
• តារាកូរ៉េ