Jennie នឹងបង្ហាញខ្លួនក្នុងកម្មវិធីថ្មីមួយឈ្មោះថា «My Name is Gabriel»

កូរ៉េខាងត្បូង៖ បន្ទាប់ពីចែកផ្លូវពីផលិតកម្ម YG Entertainment រួចមក Jennie ដែលបានប្រកាសបើកក្រុមហ៊ុនផ្ទាល់ខ្លួនឈ្មោះថា ODD ATELIER នោះបានបង្ហាញមុខនៅលើឆាកតន្ត្រីក៏ដូចជា ចូលរួមធ្វើជាសមាជិកម្នាក់ក្នុងកម្មវិធីកម្សាន្ត "Apartment 404" ផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ ថ្មីៗនេះយោងតាមរបាយការណ៍មួយបានបញ្ជាក់ថា Jennie ក៏នឹងធ្វើជាសមាជិកអចិន្ត្រៃយ៍ម្នាក់ក្នុងកម្មវិធីថ្មីមានឈ្មោះថា "My Name is Gabriel" ផងដែរ ដែលដឹកនាំដោយលោក Kim Tae-Ho ។

វាជាប្រភេទកម្មវិធីមួយដែលតារាទាំងអស់ដែលបានចូលរួម ត្រូវចេញទៅប្រើប្រាស់ជីវិតនៅខាងក្រៅប្រទេស ក្នុងនាមជាមនុស្សសាមញ្ញធម្មតា ដោយសមាជិកបួននាក់ផ្សេងទៀតដូចជា Park Myung-Soo, Yeom Hye-ran , Hong Jin-Kyung និង Ji Chang-Wook បានបញ្ជាក់ហើយថានឹងចូលរួមលេងក្នុងកម្មវិធីនេះ។

គួរបញ្ជាក់ផងដែរថា Jennie ធ្លាប់បានបង្ហាញខ្លួនក្នុងកម្មវិធីកម្សាន្តចំនួនពីរគឺ "Village Survival, The Eight" និង "Apartment 404" ៕  

ប្រភព៖: allkpop

• រូបភាព
• តារាកូរ៉េ