អតីតសមាជិកក្រុម Secret ម្នាក់នេះប្រកាសថានាងនឹងរៀបការជាមួយនឹងអ្នកផលិតមាតិកា Youtube ម្នាក់

កូរ៉េខាងត្បូង៖ អតីតសមាជិកក្រុម Secret គឺ កញ្ញា Song Ji Eun បានប្រកាសថានាងនឹងរៀបអាពាហ៍ពិពាហ៍ជាមួយនឹង អ្នកផលិតមាតិកាលើ Youtube ម្នាក់គឺ Park We នៅខែតុលា ឆ្នាំ២០២៤ខាងមុខនេះហើយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

Ji Eun បានឈានដល់ការប្រកាសបែបនេះ បន្ទាប់ពីនាងនិងអនាគតស្វាមី បានប្រកាសទាក់ទងគ្នាជាផ្លូវការឲ្យសាធារណជនបានដឹងកាលពីអំឡុងបីខែមុនគឺខ្ទង់ចុងឆ្នាំ២០២៣។

ពួកគេទាំងពីរបានបង្ហើបថាបានចួបគ្នានៅក្នុងព្រះវិហារមួយកន្លែង ហើយឃើញគ្នាភ្លាមក៏លង់ស្រលាញ់គ្នាភ្លែតតែម្ដង ដោយជារឿយៗអ្នកទាំងពីរតែងតែចេញមកបង្ហាញភាពផ្អែមល្ហែម។

Park We គឺជាអ្នកផលិតមាតិកាម្នាក់ដែលទទួលបានការគាំទ្រជាមួយនឹងឈ្មោះ Channel "Weracle" ដែលលោកបានក្លាយជាមនុស្សពិការបន្ទាប់ពីធ្លាក់យ៉ាងដំណំ កាលពីឆ្នាំ២០១៤ ដោយលោកបានចែករំលែកក៏ដូចជារៀបរាប់ពីជីវិតរបស់លោក និងជួយផ្សព្វផ្សាយពីបញ្ហាពិការភាពជាដើម៕

ប្រភព៖: allkpop

• រូបភាព
• តារាកូរ៉េ