Jennie បង្ហើបតិកនិកមិនធ្វើឲ្យមុខឡើងហើម នាពេលព្រឹកក្នុង Vlog នៅប៉ារីស

កូរ៉េខាងត្បូង៖ Jennie គឺជាសមាជិកក្នុងក្រុមចម្រៀងនារី BLACKPINK ដែលទទួលបានភាពល្បីល្បាញខ្លាំង មិនត្រឹមតែអាចច្រៀងនិងរាំនៅលើឆាកទេ តែនាងក៏ជាអ្នកពូកែបង្កើតស្ទាយ៍នៃការស្លៀកពាក់ថ្មីៗជាហូរហែផងដែរ ដូច្នេះហើយទើបនាងជាអ្នកតំណាងសាកលរបស់ម៉ាកយីហោ Chanel ទៀតផង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ ក្រោយចាកចេញពី YG Entertainment មក Jennie បានបើកក្រុមហ៊ុនផ្ទាល់ខ្លួន ODD ATELIER និងបានបង្ហាញមុខក្នុងកម្មវិធីជាច្រើន ក្នុងនោះនាងក៏បានធ្វើជា Vlog សម្រាប់ឲ្យអ្នកគាំទ្របានទស្សនានិងដឹងពីជីវិតរបស់នាងផងដែរ។

ជាក់ស្ដែងនាងទើបតែទម្លាក់ Vlog នៅប៉ារីសដែលនាងបានចូលរួមកម្មវិធីដើរម៉ូត Chanel នាពេលថ្មីៗនេះ ហើយគេបានឃើញនាងបានទៅញ៉ាំមីអ៊ូដុង មួយថ្ងៃមុនចូលរួមកម្មវិធីធំដែលវាជាប្រភេទអាហារមានរសជាតិប្រៃ អាចធ្វើឲ្យផ្ទៃមុខឡើងហើម។

ប៉ុន្តែ Jennie បានចែករំលែកតិកនិកពិសេសថា ដើម្បីកុំឲ្យមុខប៉ោងឬហើមនាពេលព្រឹកនោះគឺត្រូវជ្រមុជមុខខ្លួនឯងនឹងទឹកកកមួយចាន ដែលវាអាចធ្វើឲ្យផ្ទៃមុខស្រក មិនហើមដែលនេះមិនមែនជាលើកដំបូងទេដែល Jennie ធ្វើបែបនេះព្រោះមុនចូលរួម Met Gala ក៏នាងជ្រមុជមុខខ្លួនឯងនឹងទឹកកកដែរ៕  

ប្រភព៖: koreaboo

• រូបភាព
• តារាកូរ៉េ