យូប៊ីន បានថតរូបនិងឱបគ្នាយ៉ាងជិតស្និទ្ធ ជាមួយ Lisa ក្នុងកម្មវិធី Bulgari យប់មិញ

កូរ៉េខាងត្បូង៖ កាលពីយប់ថ្ងៃទី១៤ខែមីនាកន្លងទៅនេះ តារាសម្ដែងដ៏ស្រស់ស្អាតម្នាក់នៅកម្ពុជាគឺ កញ្ញា ស៊ីន យូប៊ីន បានបង្កភាពភ្ញាក់ផ្អើល នៅពេលបានថតជាមួយនឹង Lisa ជាសមាជិកក្រុមចម្រៀងនារី BLACKPINK ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អ្នកទាំងពីរបានចួបគ្នានៅក្នុងកម្មវិធីរបស់ម៉ាកយីហោ Bulgari ដែលប្រព្រឹត្តិទៅនៅទីក្រុងសេអ៊ូល ប្រទេសកូរ៉េខាងត្បូង ដោយមានការចូលរួមពីសំណាក់តារាល្បីៗជាច្រើនផ្សេងទៀតដូចជា Mingyu ក្រុម Seventeen ជាដើម។

ដោយឡែក ក្នុងវីដេអូដែលត្រូវបានចែករំលែកពេញបណ្ដាញសង្គម គេបានឃើញថាកញ្ញាយូប៊ីន បាននិយាយគ្នាក៏ដូចជាថតរូបជាមួយ Lisa ជាអ្នកតំណាងសាកលរបស់ Bulgari យ៉ាងកៀកកើយ ថែមទាំងបានឱបគ្នាទៀតផង ដោយក្នុងនោះ កញ្ញាស៊ីន យូប៊ីន បានស្លៀករ៉ូបពណ៌ស គាបសក់ទម្លាក់យ៉ាងស្រស់ស្អាត ខណៈ Lisa ស្លៀករ៉ូបពណ៌ខ្មៅរឹបរាង និងពាក់ខ្សែកដ៏ចែងចាំង មើលទៅ​​ចោលសម្រស់​​ស្រស់ស្អាត​​ម្នាក់​​មួយ​​បែប៕  

• រូបភាព
• តារាខ្មែរ
• តារាថៃ
• តារាកូរ៉េ