មានពាក្យចចាមអារ៉ាមថា Han So Hee ទៅដើរលេងនៅហាវ៉ៃ ជាមួយតារាប្រុសសង្ហារូបនេះ

កូរ៉េខាងត្បូង៖ នាព្រឹកថ្ងៃទី១៥ខែមីនានេះ មានព័ត៌មានចចាមអារ៉ាមដ៏គួរឲ្យភ្ញាក់ផ្អើលមួយបានកើតឡើងក្នុងសង្គមសិល្បៈកូរ៉េ ដោយអ្នកគាំទ្រសង្ស័យថា កញ្ញា Han So Hee ជាតារាសម្ដែងដ៏ស្រស់ស្អាត កំពុងលួចមានទំនាក់ទំនងស្នេហាជាមួយនឹងតារាសម្ដែងប្រុស Ryu Jun Yeol ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

មានអ្នកអះអាងថាបានឃើញអ្នកទាំងពីរទៅដើរលេងនៅកោះ ហាវ៉ៃ សហរដ្ឋអាមេរិកជាមួយគ្នា និងថែមទាំងបានទៅហែលទឹកក្នុងសណ្ឋាគារជាមួយគ្នាទៀតផង ខណៈដែលតារាសម្ដែងទាំងពីររូបនេះសុទ្ធតែស្នាក់នៅឯកោះហាវ៉ៃពិតប្រាកដមែន។

យ៉ាងណាមិញ ភ្លាមៗបន្ទាប់ពីពាក្យចចាមអារ៉ាមនេះបានផ្ទះឡើង ភ្នាក់ងាររបស់តារាប្រុស Ryu Jun Yeol បានចេញមកបកស្រាយថា តារាសម្ដែងប្រុសម្នាក់នេះពិតជានៅហាវ៉ៃដើម្បីថតរូបមែន ហើយភ្នាក់ងារនឹងមិននិយាយអ្វីទាំងអស់ពាក់ព័ន្ធនឹងជីវិតផ្ទាល់ខ្លួនរបស់តារាប្រុសរូបនេះ។

ចំណែកខាងភ្នាក់ងាររបស់ Han So Hee វិញបានចេញមកបញ្ជាក់ថា អ្នកទាំងពីរពុំមានទំនាក់ទំនងអ្វីទេ ហើយ So Hee គ្រាន់តែមកលេងកោះហាវ៉ៃជាមួយមិត្តភក្តិជិតដិតប៉ុណ្ណោះ៕  

ប្រភព៖: soompi

• រូបភាព
• តារាកូរ៉េ