Gigi ថើបគូស្នេហ៍អាយុចូល៥០ យ៉ាងផ្អែមល្ហែម នៅកណ្ដាលភោជនីយដ្ឋាន

អាមេរិក៖ ទំនាក់ទំនងស្នេហារវាង Gigi Hadid ជាតារាបង្ហាញម៉ូតល្បីឈ្មោះ ជាអ្នកម្ដាយកូន១ និងលោក Bradley Cooper ជាតារាសម្ដែងអាយុ៤៩ឆ្នាំ នៅតែមានភាពផ្អែមល្ហែមខ្លាំងឡើងៗ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាក់ស្ដែង កាលពីថ្ងៃទី១៥ខែមីនាកន្លងទៅនេះ គេបានប្រទះឃើញអ្នកទាំងពីរបានទៅទទួលទានអាហារពេលល្ងាចជាមួយមិត្តភក្តិដទៃទៀត នៅឯភោជនីយដ្ឋានអ៊ីតាលីមួយឈ្មោះថា Via Carota ក្នុងទីក្រុងញ៉ូវយ៉ក សហរដ្ឋអាមេរិក។

ក្នុងរូបថតដែលគេប្រមាញ់បាន បានបង្ហាញថាគូស្នេហ៍ខុសវ័យទាំងគូពិតជាបង្ហាញកាយវិការល្អូកល្អឺនខ្លាំង ដោយបានសើចសប្បាយ សម្លឹងភ្នែកគ្នា ថែមទាំងបានថើបគ្នាយ៉ាងផ្អែមល្អែមនៅតុអាហារ នៅនឹងមុខមិត្តភក្តិដទៃទៀតផងដែរ ដោយគេបានឃើញ អ្នកទាំងពីរអង្គុយកៀកកើយគ្នាទៀត។

គួរបញ្ជាក់ផងដែរថា Gigi Hadid និង Bradley Cooper បានប្រកាសមានទំនាក់ទំនងស្នេហាជាមួយគ្នាតាំងពីខែ តុលា ឆ្នាំ២០២៣មកម៉្លេះ៕  

ប្រភព៖: pagesix

• រូបភាព
• តារាអន្តរជាតិ