Dispatch បង្ហាញ​រូបភាព Han So Hee និង Ryu Jun Yeol ដើរលេងនៅកោះហាវ៉ៃ ទាំងទឹកមុខមិនសប្បាយចិត្ត!

បរទេស៖ Dispatch បានបង្ហាញរូបភាព តាមរយៈរបាយការណ៍ផ្តាច់មុខរបស់ពួកគេទៅនឹងរូបថតដែលប្រម៉ាញ់បាន ពីតារាសម្តែងស្រី Han So Hee និងតារាសម្តែងប្រុស Ryu Jun Yeol ទៅដើរលេងជាមួយគ្នានៅហាវ៉ៃ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

Dispatch បានចែករំលែកថា ពួកគេបានប្រញាប់ប្រញាល់ទៅ Hawaii នៅពេលដែលដំណឹងនៃការណាត់ជួបអ្នកទាំងពីរបានបែកធ្លាយ។ ប៉ុន្តែ​អ្វី​ដែល​គេ​បាន​ឃើញ​មិន​ដូច​អ្វី​ដែល​គេ​រំពឹង​ទុក​នោះ​ទេ។

ជាក់ស្តែង ការដើរលេងរបស់ពួកគេហាក់ដូចជាមិនដូចការដើរលេងទាល់តែសោះខណៈ Han So Hee សម្លឹងមើលទូរស័ព្ទរបស់នាងច្រើនជាងអាហារ និងសង្សាររបស់នាង។ ងាកទៅមើល Ryu Jun Yeol គ្រាន់តែញ៉ាំអាហារហើយបែរជាមិននិយាយស្តីបន្តិចសោះ។

យ៉ាងណាមិញ តាមរយៈរូបភាព ពួក​គេ​ហាក់​ដូច​ជា​មិន​សូវ​សប្បាយ​ចិត្ត​សោះ ព្រោះសកម្មភាពរបស់ពួកគេប្លែកៗ ដូចសង្សារឈ្លោះគ្នា Han So Hee ដើរមើលតែដី Ryu Jun Yeol សម្លឹងមើលតែក្បាលមិត្តស្រីរបស់ខ្លួនទៅវិញ៕

ប្រភព៖ Koreaboo

• តារាកូរ៉េ