ស្នេហា៖ នៅក្នុងចំណងស្នេហារវាងមនុស្ស២នាក់ដែលបែកបាក់គ្នា តែងតែមានម្នាក់ស្មោះ និង ម្នាក់ទៀតមានចិត្តវៀចវេរ ដែលបណ្ដាលឲ្យដាច់ចិត្តបែកគ្នា មិនព្រមបន្ដរកដំណោះស្រាយដើម្បីរក្សាទំនាក់ទំនងឲ្យស្ថិតស្ថេរ។ ហេតុនេះ វាបានបញ្ជាក់ឲ្យឃើញថា បើភាគីម្នាក់មិនសាវាទេនោះ ទំនាក់ទំនងស្នេហាមិនងាយប្រេះឆានោះទេ។
ចំពោះមនុស្សដែលស្មោះ ក្រោយពេលបែកគ្នា គេតែងតែសម្ងំខូចចិត្ត ព្រោះទទួលយកមិនបាន ដែលបាត់បង់មនុស្សដែលខ្លួនស្រឡាញ់ ធ្លាប់ឪបជាប់ទ្រូង។ ហើយមនុស្សស្មោះនេះ ក៏តែងតែជាមនុស្សដែលព្យាយាមរក្សាទំនាក់ទំនងស្នេហា បើទោះបីជាមានរឿងអ្វីក៏ប្រឹងប្រែងរកវិធីដោះស្រាយ ក៏ព្រោះតែស្រឡាញ់ស្មោះស្ម័គ្រ។
ចំពោះមនុស្សដែលសាវាវិញ មិនថាមុននិងក្រោយបែកគ្នានោះទេ គេតែងតែមានមនុស្សសាគួរទុកជំនួសតំណែងជានិច្ច ហើយជាមនុស្សម្នាក់ដែលតែងតែបើកឪកាសឲ្យអ្នកថ្មីចូលមកងាយ ប៉ុន្ដែមិនព្រមបើកឪកាសឲ្យសង្សារខ្លួនកែប្រែកំហុសឬដោះស្រាយបញ្ហារនោះទេ មនុស្សសាវាតែងតែរកលេសធ្វើឲ្យទំនាក់ទំនងខ្លួនបែកបាក់គ្នា បើទោះបីជាមិនមានរឿងធំដុំអ្វីក៏ដោយ ពោលគឺ មិនចេះស្មោះត្រង់ មិនចង់ឆ្លងកាត់គ្រាលំបាកជាមួយគ្នា ប្រឹងតែរកអ្នកថ្មី ដើម្បីផ្គាប់ចិត្តខ្លួន។
ដូចនេះ តើអ្នកជាមនុស្សបែបណាដែរ ជាមនុស្សដែលប្រឹងរក្សាទំនាក់ទំនង ឬ ជាមនុស្សដែលតែងតែបើកឪកាសឲ្យអ្នកថ្មី ដើម្បីរកមនុស្សឲ្យផ្គាប់ចិត្តតាមបំណង? ស្នេហា គឺជាដំណើរវែងឆ្ងាយរបស់មនុស្ស២នាក់ ដែលស្រឡាញ់គ្នា ហើយនិងមានរឿងស្មុគស្មាញជាច្រើនកើតឡើង មិនមែនមានតែក្ដីសុខតែម៉្យាងនោះទេ៕
អត្ថបទដោយ៖ Minn
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក ប្រលោមលោក & អប់រំ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
