ដើម្បីបញ្ចប់រឿង Hyeri ចេញមុខសុំទោស ដោយសរសេរសារយ៉ាងវែងអន្លាយ

កម្សាន្ត៖ ថ្មីនេះ តារាចម្រៀង និងជាតារាសម្ដែងស្រី កូរ៉េដ៏ល្បីល្បាញ Hyeri បានឆ្លើយតបទៅនឹងភាពចម្រូងចម្រាសជាច្រើនជុំវិញការបង្ហោះក្នុងគណនី Instagram របស់នាងកាលពីមុនពាក់ព័ន្ធជាមួយនឹងទំនាក់ទំនងរបស់នាងជាមួយ Ryu Jun Yeol ដែលបានបញ្ចប់ទៅហើយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅក្នុងការបង្ហោះរបស់នាង Hyeri បានសរសេររៀបរាប់ថានាង និង Ryu Jun Yeol បានយល់ព្រមពិភាក្សាគ្នាបន្ថែមទៀតអំពីទំនាក់ទំនងរបស់ពួកគេ បើទោះបីជាមានសេចក្តីរាយការណ៍ពីការបែកបាក់របស់ពួកគេត្រូវបានចេញផ្សាយក៏ដោយ ប៉ុន្តែពួកគេមិនដែលនិយាយ ឬជួបគ្នាទេចាប់តាំងពីពួកគេបែកគ្នា។

ដូចនេះ នាងក៏បានបកស្រាយថា នាងមិនគួរចេញមុខនិយាយអ្វី ឬបង្ហោះអ្វីដែលធ្វើឲ្យប៉ះពាល់ដល់ភាគីណាមួយ ក៏ដូចជាធ្វើឲ្យអ្នកគាំទ្រយល់ច្រឡំ ព្រោះនាងធ្វើតាមតែអារម្មណ៍របស់ខ្លួនដោយមិនបានគិតច្រើន។ មិនតែប៉ុណ្នោះ Hyeri បានបន្ដទៀតថា នាង និង អតីតមិត្តប្រុស បានបញ្ចប់គ្នាតាំងពីយូរហើយ ដែលនាងបានពិភាក្សារគ្នាមុននឹងសម្រេចចិត្តបែកគ្នា ដោយមិនមានបញ្ហាអ្វីនោះទេ។

ប៉ុន្ដែនាងបានស្ងាត់អស់ជាយូរ ដែលទើបតែចេញមុខមកនិយាយពីរឿងនេះ ដែលវាបានធ្វើឲ្យប៉ះពាល់ដល់អ្នកទាំងអស់គ្នា បង្កឲ្យមានរឿងចម្រូងចម្រាស់កើតរឿងធំ។ តើប្រិយមិត្តយល់យ៉ាងណាដែរ ចំពោះការសុំទោសរបស់ Hyeri ដែលចង់បញ្ជាក់ថា ការបែកបាក់របស់នាងគឺមិនមែនមកពីជនទី៣នោះឡើយ៕

ប្រភព៖ Koreaboo

• រូបភាព
• តារាកូរ៉េ