ទោះជាវ័យកាន់តែច្រើនតែ Hyun Bin នៅត្រូវបានហ្វេនសរសើរបែបនេះ

កូរ៉េខាងត្បូង៖ ថ្មីៗនេះ តារាសម្ដែងប្រុស លោក Hyun Bin ត្រូវបានគេចាប់អារម្មណ៍យ៉ាងខ្លាំង ក្រោយពីមានឃ្លីបខ្លីមួយ ដែលថតបានមួយភ្លែតនៅពីក្រោយឆាកនៃការថតពាណិជ្ជកម្ម។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងនោះដែរ ក្រៅ​ពី​រូប​រាង​សង្ហា​របស់តារាសម្ដែងប្រុសរូបនេះ លោក Hyun Bin ក៏​បាន​ធ្វើ​ឱ្យ​អ្នក​គាំទ្រ​រំភើប​ជាមួយ​នឹង​ពេល​ ដែល​លោក​បាន​បញ្ចេញ​ទឹក​មុខ​គួរ​ឱ្យ​ស្រលាញ់​របស់​ខ្លួន ពេល​កំពុង​រង់ចាំ​មើល​ឈុត​ឆាកពីការថត ទៀតផង។

ជាពិសេស ខណៈពេលដែលកំពុងរង់ចាំ Hyun Bin បានអង្គុយក្នុងឡាន ហើយបន្តធ្វើថ្ពាល់ប៉ោងៗរបស់ខ្លួន យ៉ាងគួរឲ្យក្នាញ់។ យ៉ាងណាមិញ ទាក់ទងនឹងសកម្មភាពដ៏គួរឲ្យស្រលាញ់របស់ Hyun Bin មហាជនបានលើកឡើងថា តាំងពីបានក្លាយជាឪពុកគេមក តារាប្រុសរូបនេះ ប្រហែលជាបានធ្វើបែបនេះ ជាមួយកូនប្រុសរបស់ខ្លួន ដូច្នេះវាបានក្លាយជាទម្លាប់ប្រចាំថ្ងៃទៅហើយ៕

ប្រភព៖ Kenh14

សូមទស្សនារូបភាពខាងក្រោម៖ 

• រូបភាព
• តារាកូរ៉េ