កម្សាន្ត៖ ប្រិយមិត្តដែលនិយមគាំទ្រតារាកូរ៉េ ច្បាស់ជាជ្រាបហើយថា តារាសម្ដែងស្រីដ៏ស្រស់ស្អាត Han Sohee បានធ្វើឲ្យកក្រើកបណ្ដាញសង្គមជាមួយនឹងរឿងរ៉ាវទំនាក់ទំនងស្នេហារបស់នាងជាមួយតារាប្រុស Ryu Jun Yeol ដែលជាអតីតសង្សារចាស់របស់ តារាសម្ដែងស្រី Hyeri។
ជាមួយគ្នានេះដែរ រឿងរ៉ាវនេះបានធ្វើឲ្យមានមតិចម្រូងចម្រាស់គ្នា វែកញ៉ែករកអ្នកខុសអ្នកត្រូវរវាង Han Sohee ដែលជាសង្សារថ្មី និង Hyeri ដែលជាសង្សារចាស់ ដោយពួកគេបានបង្ហោះសារឌឺដងគ្នា។ ដោយឡែក បើទោះបីជា Han Sohee ត្រូវរងគ្រោះចោទប្រកាន់ជាជនទី៣ក៏ដោយក៏មហាជននៅតែបង្ហាញការស្រឡាញ់គាំទ្ររូបនាងជានិច្ចដោយខុសពីទំនៀមទម្លាប់របស់មហាជនកូរ៉េដែលពូកែជាន់ទម្លាក់។
ដោយឡែក ក្រោយពីផ្ទុះបញ្ហារនេះកក្រើកក្នុងបណ្ដាញសង្គមរួចមក ស្រាប់តែ Han Sohee ត្រូវបានដៃគូផ្សាយពាណិជ្ជកម្ម Nonghyup Bank (NH Bank) បានដករូបនាងចេញពីការធ្វើជាម៉ូដែលឲ្យក្រុមហ៊ុននេះ បន្ទាប់ពីរូបនាងផ្សាយឲ្យអស់រយៈពេល៣ឆ្នាំមកហើយ។
ចំណែកឯ មូលហេតុនោះគឺ ផុតកុងត្រាពាណិជ្ជកម្ម ហើយពួកគេសម្រេចចិត្តមិនបន្ដកុងត្រាជាមួយ Sohee ទៀតនោះទេ ក្រោយពីបានយកនាងធ្វើជាម៉ូដែល តាំងពីឆ្នាំ២០២១មក ហេតុនេះ វាបានធ្វើឲ្យមហាជនគិតថា នេះក៏មកពីរឿងរ៉ាវអាស្រូវថ្មីៗរបស់នាង៕
ប្រភព៖ Koreaboo
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
