លែងលះដាច់ស្រេច Ariana ត្រូវសងជំងឺចិត្ត អតីតស្វាមីខ្ទង់លានដុល្លារ

អាមេរិក៖ តារាចម្រៀង Ariana Grande ត្រូវផ្ដល់ប្រាក់សងជំងឺចិត្តដល់អតីតស្វាមី Dalton Gomez បន្ទាប់ពីដាក់ពាក្យបណ្ដឹងលែងលះរួចមក។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ការលែងលះរវាងនាងនិងអតីតស្វាមីបានឈានដល់ការប្រកាសផ្លូវការនៅតុលាការ ដែលបានបញ្ចប់ចំណងអាពាហ៍ពិពាហ៍ពីរឆ្នាំរវាងនាងនិងគេ ដែលក្នុងនោះ Ariana ត្រូវចាយប្រាក់ ១.២៥លានដុល្លារអាមេរិកឯណោះ។

អ្នកទាំងពីរបានរស់នៅបែកគ្នាតាំងពីឆ្នាំមុនមកម៉្លេះ ស្របពេលតារាចម្រៀងស្រីរូបនេះបានទាក់ទងគ្នាជាមួយនឹងតារាប្រុស Ethan Slater និងតែងតែបណ្ដើរគ្នាយ៉ាងផ្អែមល្ហែមផងដែរ។

ក្នុងនោះ Ariana Grande ក៏បានយល់ព្រមផ្ដល់ប្រាក់លក់ផ្ទះនៅ Los Angeles របស់ពួកគេថែមពាក់កណ្ដាលទៀត បូកផ្សំនឹងថ្លៃមេធាវីចំនួន ២៥០០០ដុល្លារទៀតផង៕  

ប្រភព៖: pagesix

• រូបភាព
• តារាអន្តរជាតិ