ផ្អែមណាស់ Karina និង Jae Wook ពាក់របស់ គូស្នេហ៍ដូចគ្នា

កូរ៉េខាងត្បូង៖ ដូចដែលប្រិយមិត្តបានជ្រាបហើយថាតារាចម្រៀង Karina ជាមេក្រុម aespa បានប្រកាសមានទំនាក់ទំនងស្នេហាជាមួយនឹង តារាសម្ដែងប្រុស Lee Jae Wook បន្ទាប់ពីបានចួបគ្នានៅកម្មវិធីដើរម៉ូត Prada នៅឯទីក្រុងមីឡាន ប្រទេសអ៊ីតាលី។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

បន្ទាប់ពីព័ត៌មាននេះបានចេញផ្សាយ អ្នកគាំទ្របានអបអរសាទរ Karina និង Lee Jae Wook ហើយថ្មីៗនេះ អ្នកគាំទ្រក៏សង្កេតឃើញថាតារាទាំងពីរពាក់របស់មួយដូចគ្នា ជាលក្ខណៈគូស្នេហ៍គឺ វ៉ែនតាម៉ូតដូចគ្នា។

ក្នុងនោះ Karina បានបង្ហោះរូបភាពជាច្រើនពេលនាងទៅលេងទីក្រុងបាងកក ប្រទេសថៃ ហើយឈុតមួយនោះ នាងបានអង្គុយញ៉ាំក្នុងភោជនីយដ្ឋានដោយពាក់វ៉ែនតានោះ ខណៈ Lee Jae Wook ធ្លាប់ពាក់ថតនៅក្នុងអាងទឹក ដែលគេសន្មតថានេះអាចជារបស់ដែលពួកគេទិញជាលក្ខណៈគូស្នេហ៍ផងដែរ៕

ប្រភព៖: allkpop

• រូបភាព
• តារាកូរ៉េ