Hani ក្រុម EXID ត្រូវគេរិះគ»-ន់ព្រាត ដោយសារស្លៀកពាក់បែបនេះ ចូលរួមពិធីមង្គលការ

កូរ៉េខាងត្បូង៖ កាលពីថ្ងៃទី២០ខែមីនាកន្លងទៅ Hani ដែលជាសមាជិកក្រុម EXID បានក្លាយជាប្រធានបទវែកញែកដ៏ក្ដៅគគុក បន្ទាប់ពីនាងបានបង្ហាញខ្លួនក្នុងកម្មវិធីរៀបអាពាហ៍ពិពាហ៍របស់អ្នករាំម្នាក់។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅក្នុងរូបភាពដែលចែកចាយនៅលើគណនីបណ្ដាញសង្គម Instagram របស់នាងនោះ គេបានឃើញថាសមាជិក EXID ពីររូបនិងនាងបានថតជាមួយកូនក្រមុំ ប៉ុន្តែអ្វីដែលគេសង្កេតឃើញនោះគឺ Hani បានស្លៀកពាក់ធម្មតាខ្លាំងដូចកំពុងនៅផ្ទះខ្លួនឯង។

នាងបានពាក់អាវពណ៌ខ្មៅរលុងៗ គូជាមួយខោពណ៌ទឹកដោះគោវែង និងស្បែកជើងប៉ាតតា ដែលមើលទៅសាមញ្ញខ្លាំងសម្រាប់ចូលរួមពិធីរៀបការ ទើបផ្ទុះការវែកញែកជាខ្លាំងតែម្ដង ដោយអ្នកខ្លះបានរិះគន់នាងថា កម្មវិធីអាពាហ៍ពិពាហ៍ទាំងមូលគួរតែគោរពម្ចាស់កម្មវិធីដោយស្លៀកពាក់ឲ្យបានសមរម្យ ប៉ុន្តែអ្នកខ្លះទៀតក៏គិតថា ការស្លៀកពាក់ជាសិទ្ធិរបស់បុគ្គល ហើយបើ Hani ស្រលាញ់ស្ទាយ៍បែបនោះគឺគួរតែស្លៀកពាក់តាមចំណង់ចំណូលចិត្តខ្លួនទៅ៕  

ប្រភព៖: allkpop

• រូបភាព
• តារាកូរ៉េ