ហ្វេនសរសើរគូស្នេហ៍ Lee Kwangsoo និង តារាស្រី Lee Sun Bin ស្រឡាញ់គ្នា៧ឆ្នាំហើយ កាន់តែផ្អែមល្ហែម

កូរ៉េខាងត្បូង៖ ជាការពិតណាស់ តារាសម្ដែងស្រីដ៏ល្បីល្បាញ​ សម្រស់ស្រស់ស្អាត Lee Sun Bin កំពុងតែមានទំនាក់ទំនងស្នេហាយ៉ាងផ្អែមល្ហែមជាមួយនឹងតារាសម្ដែងប្រុស Lee Kwangsoo ដែលអ្នកទាំងពីរបានបើកទំនាក់ទំនងជាសាធារណៈតាំងពីឆ្នាំ២០១៨មកម្ល៉េះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ថ្មីៗនេះ គេបានឃើញ Lee Kwangsoo និង Lee Sun Bin បានធ្វើដំណើរកម្សាន្តតែ២នាក់ នៅឯប្រទេសជប៉ុន ដែលមើលទៅពិតជាមានក្ដីសុខមែនទែន។ ជាមួយគ្នានេះ គេតែងតែប្រទះឃើញ គូស្នេហ៍មួយគូនេះ ចេញទៅណាមកណាជាមួយគ្នាជាញឹកញយ ដោយពួកគេមិនបានលាក់បាំងមហាជននោះទេ។

ចំណែកឯ អ្នកគាំទ្រពេញចិត្តទំនាក់ទំនងរបស់អ្នកទាំងពីរខ្លាំងណាស់ ដោយសារតែដឹងអំពីប្រវត្តិស្នេហាដ៏គួរឲ្យច្រណែន។ដើមឡើយ តារាស្រី Lee Sun Bin ជាអ្នកសារភាពត្រង់ៗថា ខ្លួនលួចស្រឡាញ់ Lee Kwangsoo ហើយបាននិយាយសារសងគ្នាក្នុងកម្មវិធីទូរទស្សន៍ទៀតផង ក្រោយមកក៏បានប្រកាសថាពួកគេបានបង្កាត់ភ្លើងស្នេហ៍ជាមួយគ្នាបានសម្រេច៕

ប្រភព៖ allkpop

• រូបភាព
• តារាកូរ៉េ