ប្រាប់ហ្វេនថា ផ្អាកច្រៀងដោយសារសុខភាព តែហ្វេនប្រទះឃើញ Shuhua ដើរលេងជាមួយតារាប្រុសនៅស្រុកក្រៅ

កូរ៉េខាងត្បូង៖ កាលពីពេលថ្មីៗនេះ កន្លងទៅនេះ តារាចម្រៀងស្រី Shuhua ដែលជាសមាជិកក្រុម (G)I-DLE ដ៏ល្បីល្បាញ បានប្រកាសថាខ្លួនផ្អាកសកម្មភាពសិល្បៈជាបណ្ដោះអាសន្ន ដើម្បីមើលថែសុខភាព។ ដោយឡែក​ ប្រកាសមិនទាន់បានប៉ុន្មានផង អ្នកគាំទ្របានប្រទះឃើញនាងដើរយ៉ាងសាមញ្ញនៅប្រទេសតៃវ៉ាន់។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

មិនតែប៉ុណ្ណោះ ថ្មីៗនេះទៀត អ្នកគាំទ្របានប្រទះឃើញ Shuhua ស្លៀកបំពាក់យ៉ាងសាមញ្ញ ដើរបណ្ដើរគ្នាជាមួយនឹងតារាសម្ដែងប្រុស ជនជាតិតៃវ៉ាន់ម្នាក់ឈ្មោះថា Chen Bolin ដែលបានធ្វើឲ្យកក្រើកពេញបណ្ដាញសង្គម នាំគ្នាជជែកវែកញែកអំពីវត្តមានរបស់ Shuhua នៅឯប្រទេសតៃវ៉ាន់។

គួរបញ្ជាក់ផងដែរថា តារាស្រីរូបនេះ នឹងត្រឡប់មកបង្ហាញមុខក្នុងក្រុមវិញឆាប់ៗនេះ បន្ទាប់ពីសម្រាកមើលថែសុខភាពត្រឹមរយៈពេលបានតែ១ខែប៉ុណ្នោះ ហើយដំណឹងនេះ បានធ្វើឲ្យអ្នកគាំទ្រមានការចម្លែកចិត្ត ដែលរូបនាងឈប់ត្រឹមតែរយៈពេលខ្លីប៉ុណ្នោះ៕

ប្រភព៖ Koreaboo

• រូបភាព
• តារាកូរ៉េ