អតីតតារាស្រី KPOP រូបនេះត្រូវជាប់ពន្ធនាគារ ១ឆ្នាំ​​កន្លះ​ដោយសារ...

កូរ៉េខាងត្បូង៖ អតីតសមាជិកម្នាក់របស់ក្រុមចម្រៀង DIA ឈ្មោះថា Somyi ដែលពេលនេះជា streamer ត្រូវតុលាការក្រុមសេអ៊ូលកាត់ទោសឲ្យជាប់ពន្ធនាគារចំនួន១៨ខែ (១ឆ្នាំនិង៦ខែ) បន្ទាប់ពីបើកសវនាការលើកទី១។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យោងតាមសារព័ត៌មាន News 1 បានឲ្យដឹងថា អតីតតារាចម្រៀងស្រីរូបនេះបានចោទប្រកាន់ CEO របស់ក្រុមហ៊ុនខ្លួនថាបានបំពានផ្លូវកាយរបស់នាង ប៉ុន្តែក្រោយមក គេបានរកឃើញថា ការអះអាងរបស់នាងមិនមែនជាការពិតទេ។

Somyi ធ្លាប់បានដាក់ពាក្យបណ្ដឹងចោទប្រកាន់ថាប្រធានក្រុមហ៊ុនរបស់នាង មានចេតនាបំពានផ្លូវកាយរបស់នាងកាលពីខែមករាឆ្នាំ២០២៣ ដោយក្រោយមកប៉ូលិសបានរកឃើញភ័ស្តុតាងពីកាំមេរ៉ាសុវត្ថិភាពថា នាងបានចាកចេញពីបន្ទប់ក្នុងកាយវិការធម្មតាជាមួយ CEO ម្នាក់នោះ ហើយមួយផ្នែកទៀត នាងក៏បានចូលទៅខាងក្នុងបន្ទប់របស់ CEO នោះហើយបានឱបគេមុនទៀតផង៕  

ប្រភព៖: allkpop

• រូបភាព
• តារាកូរ៉េ