ហ្វេនសរសើរគ្រប់គ្នាថាតែងខ្លួនអ៊ីចឹងទៅ Jennie គួរឲ្យស្រលាញ់ខ្លាំង

កូរ៉េខាងត្បូង៖ អ្នកគាំទ្របាននាំគ្នាក្នាញ់នឹងការតុបតែងខ្លួនរបស់តារាចម្រៀងស្រី Jennie ជាសមាជិករបស់ក្រុមចម្រៀងនារី BLACKPINK បន្ទាប់ពីឃើញនាងក្នុងភាគចុងក្រោយបង្អស់ ទើបនឹងចាក់ផ្សាយនៃកម្មវិធី "Apartment 404" ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

Jennie បានចូលរួមធ្វើជាសមាជិកអចិន្ត្រៃយ៍មួយក្នុងកម្មវិធីនេះជាមួយនឹងតារាល្បីៗជាច្រើនទៀតដូចជា Yoo Jae Suk និង Cha Tae Hyun ជាដើម។

ក្នុងភាគនេះ Jennie បានស្លៀកអាវស្បែកពណ៌ក្រហម ពីលើអាវពណ៌ប្រផេះ គូជាមួយខោខោប៊យធម្មតា ហើយអ្វីដែលកាន់តែធ្វើឲ្យនាងគួរឲ្យស្រលាញ់ទ្វេដងនោះគឺ នាងបានពាក់មួកចាក់ ចងខ្សែនៅត្រង់ចង្កា ក្ដោបផ្ទៃមុខឲ្យចេញថ្ពាល់ហៀរបស់នាង។

ភ្លាមៗបន្ទាប់ពីបានឃើញរូបភាពនិងវីដេអូទាំងនេះ អ្នកគាំទ្របានចេញមកសរសើរថា Jennie ពិតជាពូកែលេងខ្លួនឲ្យសមនឹងកាលៈទេសៈ ចង់សុភាពក៏បាន ចង់ស៊ិចស៊ីក៏បាន និងចង់តែងបែបគួរឲ្យស្រលាញ់ក៏បាន៕

ប្រភព៖: allkpop

• រូបភាព
• តារាកូរ៉េ