ភ្ញាក់ផ្អើល ក្រោយពីអតីតស្វាមី សាន់ឆាយ ទៅផ្ទះនាង ដើម្បីធ្វើរឿងមួយនេះ

កម្សាន្ត៖ កាលពីថ្ងៃទី ២៣ ខែមីនា កន្លងទៅ យោងតាមប្រភពព័ត៌មានបានរាយការណ៍ឲ្យដឹងថា អ្នកជំនួញ លោក Wang Xiaofei បានទៅផ្ទះអតីតភរិយា ដែលជាតារាសម្តែងស្រី Barbie Hsu ដើម្បីបង្កសំឡេងរំខាន បង្កឱ្យសមត្ថកិច្ចជួយអន្តរាគមន៍។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងនោះដែរ យោងតាមប្រភព ​​ON បានឱ្យដឹងថា លោក Wang Xiaofei បានប្រញាប់ប្រញាល់ ទៅផ្ទះវីឡាអតីតភរិយារបស់ខ្លួន ដើម្បីបង្កបញ្ហា ហើយត្រូវបានប៉ូលីសចាប់យកទៅ។ នៅប៉ុស្តិ៍ប៉ូលីស អ្នកជំនួញរូបនេះ បានលើកឡើងថា អតីតភរិយា បានញៀនថ្នាំយូរមកហើយ និងបានប៉ះពាល់ដល់កូនរបស់ខ្លួន បន្ទាប់មកក៏បានបាត់បង់ស្មារតីក្នុងការនិយាយស្ដី ហើយស្ថានភាពផ្លូវចិត្តរបស់នាង គឺមិនស្ថិតស្ថេរនោះទេ។ 

យ៉ាងណាមិញ បន្ទាប់​ពី ​បញ្ចប់​ការ​ផ្តល់​សក្ខីកម្ម​ ​លោក Wang Xiaofei ក៏បាន​ចាកចេញ​ទៅ។ ហើយមនុស្សមួយចំនួន បានរកឃើញថាថ្ងៃដែល អ្នកជំនួញរូបនេះ បានបង្កបញ្ហា គឺជាខួបអាពាហ៍ពិពាហ៍របស់លោក និង Barbie Hsu ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាចិន