លើកនេះ Taylor ទៅផ្អែមល្ហែមជាមួយគូស្នេហ៍ ដល់ឆ្នេរខ្សាច់

បាហាម៉ាស៖ Taylor Swift នៅតែបន្តចំណងស្នេហ៍ផ្អែមល្ហែមជាមួយគូស្នេហ៍ជាកីឡាករបាល់ឱបគឺលោក Travis Kelce ដោយថ្មីៗនេះ គេបានឃើញអ្នកទាំងពីរបានទៅកម្សាន្តជាមួយគ្នាជាលក្ខណៈផ្ទាល់ខ្លួន នៅឯឆ្នេរសមុទ្រមួយ ក្នុងប្រទេសបាហាម៉ាស។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អ្នកទាំងពីរដែលចាប់ផ្ដើមទាក់ទងគ្នាតាំងពីខែកញ្ញាឆ្នាំ២០២៣នោះ ត្រូវបានគេប្រទះឃើញបានបញ្ចេញសកម្មភាពយ៉ាងផ្អែមល្ហែមនៅឆ្នេរខ្សាច់ ដោយបានគេងជិតគ្នា ថើបគ្នា ដោយក្នុងនោះ Taylor បានស្លៀកឈុតហែលទឹកពណ៌លឿងយ៉ាងស្រស់ស្អាត ខណៈ Travis Kelce បញ្ចេញដើមទ្រូងផ្នែកខាងលើ ស្លៀកតែខោខ្លីពណ៌ផ្ទៃមេឃមួយ។

គួរបញ្ជាក់ផងដែរថា កន្លងមក Travis Kelce តែងតែបង្ហាញការលើកទឹកចិត្តដល់ Taylor ដោយបានទៅចូលរួមការប្រគុំតន្ត្រី The Eras Tour របស់នាង ខណៈដែល Taylor ក៏ធ្លាប់បានទៅលើកទឹកចិត្តគេដល់ទីលានប្រកួតផងដែរ៕  

ប្រភព៖: dailymail

• រូបភាព
• តារាអន្តរជាតិ