Gigi កាន់ដៃ បណ្ដើរគូស្នេហ៍ខុ»-សវ័យ យ៉ាងផ្អែមល្ហែម

អាមេរិក៖ ទោះមានវ័យខុសគ្នាមែន តែចំណងស្នេហ៍រវាង តារាបង្ហាញម៉ូត Gigi Hadid ជាមួយនឹងមិត្តប្រុសជាតារាស្ដែងអាយុ ៤៩ឆ្នាំ គឺលោក Bradley Cooper រឹតតែផ្អែមល្ហែមពីមួយថ្ងៃទៅមួយថ្ងៃ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាក់ស្ដែង កាលពីពេលថ្មីៗនេះ គេបានប្រទះឃើញថាអ្នកទាំងពីរបានដើរកាន់ដៃគ្នាយ៉ាងស្និទ្ធស្នាលនៅតាមដងផ្លូវ បន្ទាប់ពីបានទៅមើលការសម្ដែងមួយនៅមហាស្រព Lunt- Fontanne នៅទីក្រុងញ៉ូវយ៉ក សហរដ្ឋអាមេរិក។

ក្នុងនោះ Gigi បានពាក់អាវរងាស្បែកពីឈុតអាវនិងខោពណ៌គ្រីម ពាក់ពីក្នុងដោយអាវកាក់ពណ៌សមួយទៀត និងកាន់កាបូបស្បែក ស្របពេល Bradley បានពាក់អាវរងាស្បែក និងខោពណ៌អាចម៍សេះ ជាមួយកន្សែងបង់កពណ៌ត្នោត និងមួកចាក់ពណ៌ប្រផេះ ដែលទោះលោកកំពុងមមាញឹកនិយាយទូរស័ព្ទក្ដី តែលោកនៅតែងាកមកញញិមដាក់មិត្តស្រី ហើយកាន់ដៃនាងជាប់។

គួរបញ្ជាក់ថា Gigi Hadid និង Bradley Cooper ចាប់ផ្ដើមមានទំនាក់ទំនងគូស្នេហ៍តាំងពីខែតុលា ឆ្នាំ២០២៣ ដោយថ្មីៗនេះពួកគេទើបតែទទួលទានអាហារពេលល្ងាចជាមួយគ្នាទៀតផង៕  

ប្រភព៖: etonline

• រូបភាព
• តារាអន្តរជាតិ