(ភ្នំពេញ)៖ ភោជនីយដ្ឋាន “ផ្ទះបាយភូមិខ្មែរ” ដែលមានទីតាំងនៅ ផ្ទះលេខ១២, ផ្លូវលេខ៣៧០, សង្កាត់បឹងកេងកងទី១ ខណ្ឌចំការមន, រាជធានីភ្នំពេញ បានដាក់សម្ពោធជាផ្លូវការកាលពីថ្ងៃទី ២៦ ខែមីនា ឆ្នាំ២០២៤នេះ បានបង្កើតឡើងដោយស្នាដៃកូនខ្មែរ ដែលខិតខំសម្រឹតសម្រាំង ស្វែងយល់ពីម្ហូបខ្មែរគ្រប់ទិសទី ទម្រាំបង្កើតបានភោជនីយដ្ឋានម៉ាកយីហោមួយនេះ មិនងាយស្រួលទេ ហើយក៏បានចំណាយពេលមិនតិចឆ្នាំដែល ក្នុងការប្រមូលម្តុំម្ហូបខ្មែរពីគ្រប់តំបន់ក្នុងព្រះរាជាណាចក្រកម្ពុជា។
អគ្គនាយិកា ភោជនីយដ្ឋាន “ផ្ទះបាយភូមិខ្មែរ” លោកស្រី ហ៊ុក ស្រីហួរ បានមានប្រសាសន៍ថា៖ “នៅផ្ទះបាយភូមិខ្មែរ ពួកយើងបានសិក្សាស្រាវជ្រាវបន្ថែម គាស់កកាយ សម្រិតសម្រាំងពាំនាំមកជូននូវម្ហូបខ្មែរ បង្អែមខ្មែរពិតៗ រសជាតិដើមដ៏ឈ្ងុយឆ្ងាញ់ពីតាមតំបន់នានានៅក្នុងព្រះរាជាណាចក្រកម្ពុជា ដូច្នេះវាកាន់តែភាពងាយស្រួលដល់បងប្អូន លោក លោកស្រី អ៊ំ ពូ មីង ដែលនិយមចូលចិត្ត ម្ហូបខ្មែរពិតៗ អាចអញ្ចើញមកទទួលយកភោជនីយដ្ឋានផ្ទះបាយភូមិខ្មែរ។
ពួកយើងប្តេជ្ញាបម្រើជូនតែអាហារដែលមានសុវត្ថិភាព ប្រើប្រាស់ផលិតផលខ្មែរ គ្រឿងផ្សំ បន្លែ សាច់ ផ្លែឈើ ដែលដាំដុះដោយប្រជាកសិករនៅតាមសហគមន៍ខ្មែរនានា។ ផ្ទះបាយភូមិខ្មែរ ត្រូវបានបង្កើតឡើងមិនមែនតែក្នុងបំណងអាជីវកម្មដើម្បីប្រាក់ចំណេញតែមួយមុខទេ តែដោយក្តីស្រលាញ់ម្ហូបខ្មែរ និងមានចេតនាដោយស្មោះចង់ចូលរួមចំណែកជាមួយសហគ្រិនខ្មែរដ៏ទៃទៀតដើម្បីលើកស្ទួយ អភិរក្ស និងអភិវឌ្ឍម្ហូបខ្មែរ កេរតំណែលជាតិ អោយកាន់តែរីកសុះសាយនៅក្នុងចំណោមប្រជាជនខ្មែរផ្ទាល់ និងដើម្បីទទួលស្វាគមន៍ភ្ញៀវបរទេសដែលអញ្ចើញមកកម្សាន្តក្នុងប្រទេសកម្ពុជា ព្រមទាំងដើម្បីជួយផ្សព្វផ្សាយម្ហូបខ្មែរ ម៉ាកយីហោខ្មែរទៅកាន់ពិភពលោកផងដែរ។ ”
លោកស្រីក៏សូមអំពាវនាវអោយមានការជួយគាំទ្រប្រើប្រាស់ផលិតផលខ្មែរ ម៉ាកយីហោខ្មែរអោយកាន់តែផុសផុល មិនថាផ្ទះបាយភូមិខ្មែរ ឬម៉ាកយីហោខ្មែរដ៏ទៃទៀត ដើម្បីជួយជាចលករជុំរុញចរន្តសេដ្ឋកិច្ចក្នុងសហគមន៍យើង។
ក្នុងឱកាសចូលរួមពិធីសម្ពោធភោជនីយដ្ឋាន ផ្ទះបាយភូមិខ្មែរ លោកជំទាវ ឡងឌី សាន់ណារ៉ា រដ្ឋលេខាធិកាក្រសួងវប្បធម៌ និងវិចិត្រសិល្បៈ បានមានប្រសាសន៍ថា ថ្វីត្បិតតែពេលនេះ មានម្ហូបបរទេសជាច្រើនបាន និងកំពុងតែធ្វើចរាចរណ៍នៅក្នុងប្រទេសយើងក៏ពិតមែន តែម្ហូបខ្មែរ នៅតែមានរក្សាបានប្រជាប្រិយភាព ពេញនិងទូទាំងប្រទេស។ ពិធីសម្ពោធនារាត្រីនេះប្រៀបបាននឹងការកសាងស្ពានឆ្លងដើម្បីពាំនាំមរតកម្ហូបខ្មែរដល់កូនខ្មែរជំនាន់ក្រោយ កាន់តែច្បាស់។
សូមបញ្ជាក់ផងដែរថា ផ្ទះបាយភូមិខ្មែរ បានធ្វើការស្រាវជ្រាវ ចងក្រងដោយសម្រឹតសម្រាំងបាននូវជម្រើសម្ហូបខ្មែរបង្អែមខ្មែរ ដ៏សម្បូរបែប រហូតដល់ជាង ៣០០ មុខពីតាមតំបន់នានា ក្នុងនោះរួមមានខេត្តសៀមរាប បាត់ដំបង ពោធិ៍សាត់ ស្វាយរៀង កំពត មណ្ឌលគិរី រតនៈគិរី ស្ទឹងត្រែងផងដែរ។ល។ ភោជនីយដ្ឋានផ្ទះបាយភូមិខ្មែរ មិនផ្តោតលើតែអាហារប៉ុណ្ណោះទេ តែនាំមកនូវផងដែរនូវបទពិសោធន៍របស់អតិថិជនជារួម រាប់ពីការធ្វើបដិសណ្ឋាកិច្ចដ៏កក់ក្តៅ បរិយាកាសប្រកបដោយផាសុកភាព រួមនឹងសោភ័ណភាព រចនាបថនៃការតុបតែងហាងដែលផ្សារភ្ជាប់ជាមួយប្រពៃណី និងសិល្ប:បែបខ្មែរផងដែរ។
ព័ត៌មានទំនាក់ទំនង៖
លេខទូរសព្ទ÷ 085 836 688/ 015 836 688
តេលេក្រាម៖ T.me/pbkh_pp
ហេ្វសប៊ុកផេក៖ ភោជនីយដ្ឋាន ផ្ទះបាយភូមិខ្មែរ-Phteah Bay Phoum Khmer Restaurant
អាសយដ្ឋាន៖ ផ្ទះលេខ12 ផ្លូវ370 សង្កាត់បឹងកេងកង1 ខណ្ឌចំការមន រាជធានីភ្នំពេញ។
ខាងក្រោមនេះជាវីដេអូផ្សព្វផ្សាយផលិតដោយ ផ្ទះបាយភូមិខ្មែរ ដែលមានឈុតឆាកបែបខ្មែរគួរអោយទាក់ទាញ មានចំណងជើងថា“ម្ហូបខ្មែរជារតនៈសម្បត្តិដ៏ថ្លៃថ្លា” ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
