ទិដ្ឋភាពក្រុមការងារ មន្ទីរវប្បធម៌ និង វិចិត្រសិល្បៈ បានចាប់ផ្ដើមរៀបចំ តុបតែង នៅបរិវេណរមណីយដ្ឋានប្រវត្តិសាស្ត្រវត្តភ្នំ ដើម្បីត្រៀមសម្រាប់សង្រ្កាន្តវត្តភ្នំ

ភ្នំពេញ៖ ទិដ្ឋភាពក្រុមការងារ មន្ទីរវប្បធម៌ និង វិចិត្រសិល្បៈរាជធានីភ្នំពេញ ដែលគាំទ្រដោយ រដ្ឋបាលរាជធានីភ្នំពេញ បានចាប់ផ្ដើមរៀបចំ តុបតែង នៅបរិវេណរមណីយដ្ឋានប្រវត្តិសាស្ត្រវត្តភ្នំ ដើម្បីត្រៀមសម្រាប់សង្រ្កាន្តវត្តភ្នំ នៅក្នុងឱកាសបុណ្យចូលឆ្នាំប្រពៃណីជាតិខ្មែរខាងមុខ។

អាជ្ញាធរ​ភ្នំពេញ​ប្រកាស​រៀបចំ «សង្ក្រាន្ដវត្តភ្នំ» រយៈពេល ០៤ថ្ងៃ ចាប់ពីថ្ងៃទី១៣ ដល់ថ្ងៃទី១៦ ខែមេសា ឆ្នាំ២០២៤ វេលាម៉ោង ៨ ដល់ម៉ោង ២ យប់ ដោយ​មានការរៀបចំកម្មវិធីបែបប្រពៃណីជាតិ និងកម្សាន្តសប្បាយជាច្រើនដូចជា កម្មវិធីទទួលទេវតាឆ្នាំថ្មី ដង្ហែព្រះពុទ្ធរូប ពូនភ្នំខ្សាច់ ស្រង់ព្រះ សម្ដែងសិល្បៈរបាំប្រពៃណី របាំបុរាណ ល្បែងប្រជាប្រិយជាតិ (ទាញព្រ័ត បោះអង្គញ់ វាយក្អម ចោលឈូង លាក់កន្សែងចាប់កូនខ្លែង និងដណ្តើមស្លឹកឈើ)ប្រគំតន្ត្រីបុរាណ-សម័យ រាំលេងកម្សាន្ត តាំងបង្ហាញគំនូរបុរាណ និងវត្ថុសិល្បៈវប្បធម៌ជាច្រើនផ្សេងទៀត៕

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ប្រភព៖ នាយកដ្ឋានព័ត៌មាន News Department