Son Ye Jin និងស្វាមី អបអរខួបអាពាហ៍ពិពាហ៍ ២ ឆ្នាំ ឡើងផ្អែមល្ហែម

កូរ៉េខាងត្បូង៖ តារា​សម្ដែង​ស្រី Son Ye Jin ដែលភរិយារបស់ តារា​សម្ដែង លោក Hyun Bin បាន​បង្ហោះ​រូប​ដើម្បី​អបអរ​ខួប​ ២ ឆ្នាំ នៃអាពាហ៍ពិពាហ៍របស់អ្នកទាំងពីរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងនោះដែរ នៅលើទំព័រផ្ទាល់ខ្លួនរបស់តារាស្រី​ Son Ye Jin នៅថ្ងៃទី ៣១ ខែមីនា នាងបានបង្ហោះរូបថតពីថ្ងៃរៀបការរបស់ខ្លួន ហើយបានសរសេរពាក្យយ៉ាងខ្លីថា «ឆ្នាំទីពីរ» ។ តាមរយៈការបង្ហោះនេះ នាងបាន​បង្ហាញ​រូប​អាពាហ៍ពិពាហ៍​ជាមួយស្វាមី លោក Hyun Bin ព្រមទាំងរូបថតមួយទៀត ដែលជា​រូប​ថត​តែ​ម្នាក់​ឯង ​ក្នុង​ឈុត​អាពាហ៍ពិពាហ៍។

មិនត្រឹមតែប៉ុណ្ណោះ កម្រង​រូបភាព​មួយ​នេះ ​ទទួល​បាន​ការ​ចុច Like ច្រើន​ជាង​មួយ​លាន និងមាន​មតិ​ជា​ច្រើន​ពី​ទស្សនិកជន​ បានជូនពរ​ឲ្យ​តារា​ទាំង​ពីរ​មាន​សុភមង្គល​ក្នុង​ជីវិត ទៀតផង។ គួររំឮកផងដែរថា Hyun Bin និង Son Ye Jin បាន​រៀប​ការ​ ជា​លក្ខណៈ​ឯកជន​នៅ​ថ្ងៃ​ទី ៣១ ខែ​មីនា ឆ្នាំ ២០២២ ក្នុង​ទីក្រុង​សេអ៊ូល ដែលមានការចូលរួមពីក្រុមគ្រួសារសាច់ញាតិ មិត្តភក្តិ និងតារាល្បីៗមួយចំនួន ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាកូរ៉េ