So Hee និង Jun Yeol ត្រូវដកចេញពីខ្សែភាពយន្តមួយនេះ ក្រោយប្រកាសចែកផ្លូវគ្នា

កូរ៉េខាងត្បូង៖ តារាសម្ដែងស្រី Han So Hee និងតារាសម្ដែងប្រុស Ryu Jun Yeol ត្រូវបានដកចេញពី ខ្សែភាពយន្តឈ្មោះ "Hyun Hok" ហើយបន្ទាប់ពីរឿងអាស្រូវទំនាក់ទំនងស្នេហាដ៏ចម្រូងចម្រាសរបស់ពួកគេ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

មុនដំបូងពេលមិនទាន់ប្រកាសទាក់ទងគ្នា ខាងខ្សែភាពយន្តដែលត្រៀមនឹងផលិតមួយនេះបានទាក់ទងទៅ តារាសម្ដែងទាំងពីរឲ្យមកដើរតួជាផ្នែកមួយក្នុងរឿង ប៉ុន្តែបន្ទាប់ពីមានបញ្ហាកន្លងមក ខាងផលិតករបានសម្រេចចិត្តដកពួកគេចេញពីការពិចារណា។

តារាសម្ដែងទាំងពីរនាក់បានទទួលយកការបដិសេធនេះ និងយល់ពីបញ្ហានេះ ខណៈដែល Han So Hee ទើបតែបានប្រកាសថានាងបានចែកផ្លូវគ្នាជាមួយតារាប្រុស Ryu Jun Yeol រួចហើយ។

គួរបញ្ជាក់ផងដែរថា កាលពីប្រកាសទាក់ទងគ្នាដំបូង ចំណងស្នេហ៍ពួកគេមានបញ្ហាចម្រូងចម្រាសដោយ So Hee ត្រូវចោទថាជាជនទី៣ ក្រោយ Lee Hyeri ដែលជាអតីតមិត្តស្រីរបស់ Jun Yeol បង្ហោះសារមួយ រហូតដល់ So Hee បានចេញមកប្រតិកម្មនិងបង្កើតបញ្ហាឲ្យកាន់តែធំ រហូតមកទល់ពេលនេះ នាងក៏បានប្រកាសចែកផ្លូវគ្នាជាមួយតារាប្រុសរូបនេះហើយ៕  

ប្រភព៖: koreaboo

• រូបភាព
• តារាកូរ៉េ