ខានឃើញមុខមួយរយៈ ហ្វេនថា V កាត់សក់អ៊ីចឹងទៅមុខឡើងក្មេងខ្លាំង

កូរ៉េខាងត្បូង៖ ដូចដែលប្រិយមិត្តបានជ្រាបហើយថា Taehyung ឬ V ជាសមាជិកដ៏សង្ហាម្នាក់ក្នុងក្រុមចម្រៀងបុរស BTS ដ៏ល្បីល្បាញ កំពុងស្ថិតក្នុងអំឡុងពេលបម្រើយោធា ប៉ុន្តែទោះជាយ៉ាងណា ក៏អ្នកគាំទ្រនៅតែចាំតាមដានសកម្មភាពរបស់តារាប្រុសរូបនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាក់ស្ដែង កាលពីថ្ងៃ​​ទី៣១ ខែមីនានេះ គេបានឃើញ Taehyung ចេញមកបង្ហាញមុខក្នុងឯកសណ្ឋានទាហាន ក្នុងការប្រកួតបាល់ទាត់មួយរវាង Gongwon FC និង FC Seoul ដែលជាការប្រកួតជុំទី៤ នៅក្របខណ្ឌ K League 1 ឆ្នាំ២០២៤។

ក្នុងនោះសម្រស់របស់ Taehyung នៅតែទាក់ភ្នែកអ្នកគាំទ្រ ហើយគេសង្កេតឃើញថាពេលកាត់ខ្លីបែបទាហានអ៊ីចឹងទៅគឺ Taehyung មើលទៅក្មេងខ្លាំងណាស់ បូកផ្សំជាមួយផ្ទៃមុខរាងមូលទៀតនោះ គឺមើលទៅគេកាន់តែគួរឲ្យស្រលាញ់៕  

ប្រភព៖: allkpop

• រូបភាព
• តារាកូរ៉េ