កូរ៉េខាងត្បូង៖ ជាការពិតណាស់ តារាសម្ដែងស្រី Song Ha Yoon ទទួលបានប្រជាប្រិយភាពជាខ្លាំងក្លាក្នុងអាជីពជាតារាសម្ដែង១៥ឆ្នាំមកនេះ បន្ទាប់ពីនាងសម្ដែងជាតួរង ចិត្តក្បត់ នៅក្នុងរឿង Marry My Husband។ មិនតែប៉ុណ្ណោះ ការសម្ដែងរបស់នាង ត្រូវបានគេសរសើរថា ល្អឥតខ្ចោះ ធ្វើឲ្យអ្នកទស្សនាមើលជក់ចិត្តតាមសាច់រឿង។
![](https://s9.kh1.co/6f/6f4f08c3715620bd49af2335887295cfcde27d9e.jpg)
ដោយឡែក ទើបតែល្បីល្បាញមិនទាន់បានប៉ុន្មានផង ស្រាប់តែមានបុគ្គលម្នាក់ បានអះអាង នៅក្នុងបណ្ដាញសង្គមថា ចរិតរបស់ Ha Yoon អាក្រក់មិនខុសពីក្នុងរឿងនោះទេ។ បើយោងតាមប្រភពព័ត៌មានបានឲ្យដឹងថា អ្នកដែលចោទប្រកាន់នោះ គឺជាអតីតមិត្តរួមថ្នាក់កាលរៀនវិទ្យាល័យដែលអះអាងថា នាងត្រូវបាន Ha Yoon ទះកំផ្លៀងធ្វើបាបរយៈពេល៩០នាទីឯណោះ។
![](https://s9.kh1.co/f3/f362d1b2f536f3911efedbd060befd3ca919c092.jpg)
លើសពីនោះ អតីតមិត្តរួមថ្នាក់ម្នាក់ក៏បានប្រាប់ដែរថា ការចោទប្រកាន់នេះ ច្បាស់ជាពិត។ មិត្តល្អរបស់នាងក៏ត្រូវ Song Ha Yoon ធ្វើបាបដូចគ្នាដែរ។ រូបនាងមានអារម្មណ៍ព្រឺសម្បុរណាស់ នៅពេលដែលឃើញការសម្ដែងរបស់Song Ha Yoon ក្នុងរឿង ជាពិសេស ពេលនាងបង្ហាញមុខនៅក្នុងកញ្ចក់ទូរទស្សន៍ធ្វើដូចជាមនុស្សល្អ។
![](https://s9.kh1.co/d2/d22b0f2691721b986c2cff9d9be25bc81cfb133d.jpg)
ផ្ទុយទៅវិញ Starship ដែលផលិតកម្មគ្រប់គ្រងលើតារាសម្ដែងស្រីរូបនេះ បានចេញមុខមកបញ្ជាក់ថា ការចោទប្រកាន់នេះគឺមិនពិតនោះទេ ដោយ Song Ha Yoon មិនដែលបានជួបបុគ្គលដែលអះអាងថា ជាមិត្តរួមថ្នាក់នោះឡើយ៕
ប្រភព៖ Koreaboo
![](https://s9.kh1.co/e4/e4740c2ca2e16179c3826a24dd7ffbfc1ae1e51b.jpg)
![](https://s9.kh1.co/4b/4b2aed070386c3b4b4123d4bf2f791ca5fad3cf6.jpg)
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]