ផ្អែមណាស់ Taylor ចង់រើទៅនៅជាមួយមិត្តប្រុស Travis បន្ទាប់ពីទាក់ទងគ្នាបានជិត១ឆ្នាំ

អាមេរិក៖ យោងតាមការរាយការណ៍ពី US Weekly បានបញ្ជាក់ថា តារាចម្រៀងស្រីល្បីឈ្មោះ Taylor Swift ដែលទើបតែជាប់ជាមហាសេដ្ឋីក្នុងគេហទំព័រ Forbes គ្រោងនឹងរើទៅនៅផ្ទះជាមួយ មិត្តប្រុស Travis Kelce ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

Taylor បានទាក់ទងគ្នាជាមួយកីឡាករបាល់ឱប Travis Kelce មកពីក្រុម Kansas City Chief ប្រហែលអំឡុងពេលខែកក្កដាឆ្នាំ២០២៣កន្លងទៅ ប៉ុន្តែទើបតែប្រកាសជាផ្លូវការ នាអំឡុងខែតុលាឆ្នាំ២០២៣ ដោយជារឿយៗ គេតែងតែឃើញថា អ្នកទាំងពីរតែងតែទៅលើកទឹកចិត្តគ្នាទៅវិញទៅមក ពោលគឺ Taylor បានលើកទឹកចិត្ត Travis ដល់កីឡដ្ឋានហើយ Travis ក៏បានទៅទស្សនាការប្រគុំតន្ត្រីរបស់នាងផងដែរ។

ឥឡូវនេះ អ្នកទាំងពីរកំពុងពិភាក្សារឿងផ្លាស់ប្ដូរទីលំនៅមករស់នៅជាមួយគ្នាបែបពេញម៉ោងតែម្ដង ដោយអាចនឹងប្ដូរផ្ទះម្ដងនៅ ញ៉ូវយ៉ក ម្ដងនៅ Los Angeles ជាផ្ទះរបស់ Taylor ហើយបើសិនជាអំឡុងពេលប្រកួត ពួកគេនឹងទៅនៅផ្ទះរបស់ Travis នៅ Kansas City ៕  

ប្រភព៖: elle

• រូបភាព
• តារាអន្តរជាតិ