ភ្នំពេញ ៖ មិនធ្វើឲ្យអ្នកគាំទ្រខកបំណងឡើយ នៅថ្ងៃទី ៤ ខែមេសា ឆ្នាំ ២០២៤ នេះ ហាង Pizza Papa Johns Cambodia បានបើកដំណើរការសាខាថ្មី ជាមួយនឹងការផ្ដល់ជូនប្រូម៉ូសិន យ៉ាងច្រើនសន្ធឹកសន្ធាប់ដូចជា ការចែកជូន Pizza ដោយឥតគិតថ្លៃ ទៅកាន់អតិថិជនចំនួន ១០០នាក់ នៅក្នុងថ្ងៃនេះ (តាំងពីម៉ោង ២ រហូតដល់ម៉ោង ៤ រសៀល) និងការបញ្ចុះតម្លៃរហូតដល់ ៥០% ចាប់ពីថ្ងៃនេះ រហូតដល់ដាច់ខែមេសា។
គួររម្លឹកផងដែរថា នេះគឺជាសាខាទី ៧ ហើយរបស់ Papa John Cambodia បន្ទាប់ពីទទួលបានការគាំទ្រយ៉ាងច្រើនពីសំណាក់អតិថិជនជាជាតិ និងអន្តរជាតិ។ សាខាថ្មីនៅ The Bridge នេះដែរ ក៏រឹតតែពិសេស ព្រោះស្ថិតនៅលើទីតាំងល្អ កណ្ដាលក្រុងភ្នំពេញ ជាតំបន់សម្បូរដោយភ្ញៀវបរទេសចេញចូលជាហូហែ។
យ៉ាងណាមិញ នៅក្នុងកម្មវិធីបើកសម្ពោធជាផ្លូវការ សាខាថ្មីនេះដែរ លោក YB Cheah ដែលជា General Manager ក្រុមហ៊ុន Pizza Papa Johns Cambodia ក៏បានឡើងថ្លែងសុន្ទរកថា ថ្លែងអំណរគុណដល់អតិថិជន និងបង្ហាញពីចំណុចពិសេសៗ ក៏ដូចជា ភាពខុសប្លែកពីគេ នូវរូបមន្តនៃការផលិតរបស់ Pizza Papa Johns។
ជាការពិតណាស់ Pizza Papa Johns បានយកចិត្តទុកដាក់យ៉ាងខ្លាំងចំពោះរសជាតិ និងគុណភាព ពោលគឺ Papa Johns បានប្រើប្រាស់តែម្សៅប្រូតេអ៊ីនខ្ពស់ពិសេស ដែលត្រូវបានរក្សាទុកក្នុងសីតុណ្ហភាពទាបរយៈពេល ៣ថ្ងៃ ដើម្បីឲ្យម្សៅឡើងមេទៅតាមធម្មជាតិ។ ហើយម្សៅនំនេះទៀតសោត ក៏ត្រូវបានផលិតចេញពីស្រូវសាលីនិទាឃរដូវ ជាមួយនិងទឹកបរិសុទ្ធ ដែលត្រូវបានរក្សាទុករយៈពេល ៣ថ្ងៃ នៅក្នុងសីតុណ្ហភាពទាប ដើម្បីធានាបាននូវភាព យឺត ទន់ និងភាពតឹងណែនរបស់ម្សៅនំ សម្រេចបាននូវសម្បកនំ Pizza ដែលមានភាពស្រួយខាងក្រៅ និងក្លិនឈ្ងុយខាងក្នុង ដូចជាពាក្យស្លោករបស់ Pizza Papa Johns ដែលបានសរសេរថា ៖ Better Ingredients, Better Pizza។
សូមទស្សនារូបភាពខាងក្រោម ពីកម្មវិធីសម្ពោធជាផ្លូវការ នូវសាខាថ្មីរបស់ Papa John Cambodia នៅឯ The Bridge Mall ថ្ងៃនេះ ៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
