កូរ៉េខាងត្បូង៖ ថ្មីៗនេះ តារាសម្ដែងស្រី Son Ye Jin បានចែករំលែក ពីពេលសម្រាកលំហែដ៏រីករាយជាមួយស្វាមីដែលជាតារាសម្ដែង លោក Hyun Bin ដែលកំពុងទាញយកចំណាប់អារម្មណ៍យ៉ាងខ្លាំង។
ក្នុងនោះដែរ នៅលើទំព័រផ្ទាល់ខ្លួនរបស់តារាស្រី Son Ye Jin កាលពីថ្ងៃទី ៥ ខែមេសា រូបនាង បានបង្ហោះរូបថតអង្គុយក្បែរស្វាមី ខណៈដែលអ្នកទាំងពីរកំពុងទទួលទានភេសជ្ជៈដែលពួកគេចូលចិត្ត។ ជាពិសេស នាងបានសរសេរថា៖ «វាជាថ្ងៃចុងសប្តាហ៍ដ៏រីករាយ»។
កាលពីខែមុន Son Ye Jin និងស្វាមី Hyun Bin បានទាក់ទាញការចាប់អារម្មណ៍ នៅពេលដែលពួកគេបានទៅមើលការប្រកួតទីពីររវាង San Diego Padres និង LA Dodgers ក្នុងការប្រកួតបើកឆាកជាផ្លូវការនៃ Major League Baseball (MLB) World Tour Seoul Series 2024 ហើយប្ដីប្រពន្ធមួយគូនេះ ក៏ត្រូវបានគេនិយាយថា មានចំណាប់អារម្មណ៍រួមគ្នាជាច្រើនពីការស្រឡាញ់ អាហារចម្រុះ កីឡា ហើយអ្នកទាំងពីរក៏ត្រូវបានអ្នកគាំទ្រសរសើរថា ត្រូវគ្នា ព្រមទាំងជូនពរឱ្យនៅជាមួយគ្នាជារៀងរហូត ផងដែរ៕
ប្រភព៖ Ngoisao.net
សូមទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
