Paris Hilton ប្រាប់ហេតុផល ដែលមិនបង្ហាញរូបថតកូនស្រី

កម្សាន្ត៖ អាចនិយាយបានថា បើទោះបីជា តារាស្រី Paris Hilton បានបើកចំហរជាធម្មតា ជាមួយមហាជនពីជីវិតផ្ទាល់ខ្លួនរបស់នាងក៏ដោយ ប៉ុន្តែរូបនាង នៅតែមានភាពតឹងតែង ចំពោះការចែករំលែករូបថតកូនស្រីរបស់ខ្លួន ដែលទើបនឹងកើត។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តារាស្រី Paris Hilton បានស្វាគមន៍កូនស្រីទី ២ របស់ខ្លួន ដែលមានឈ្មោះថា London កាលពីខែវិច្ឆិកា ឆ្នាំ ២០២៣ កន្លងទៅនេះ ខណៈពេលដែលអ្នកគាំទ្រជាច្រើន កំពុងទន្ទឹងរង់ចាំរូបថតគួរឱ្យស្រលាញ់ពីសមាជិកថ្មី ក្នុងគ្រួសាររបស់នាង តែ Paris Hilton បានជ្រើសរើសរក្សា​កូនស្រី ​ឱ្យ​នៅ​ក្រៅ​ក្រសែភ្នែក​សាធារណៈ ដែល​ធ្វើ​ឱ្យ​អ្នក​តាម​នាង​ចង់​ដឹងយ៉ាងខ្លាំង។

យ៉ាងណាមិញ ជាការឆ្លើយតបទៅនឹងសំណួររបស់អ្នកគាំទ្រ អំពីពេលដែលពួកគេ អាចរំពឹងថា នឹងឃើញរូបថតរបស់កូនស្រីនាង តារាស្រីរូបនេះ បានលើកឡើងនៅក្នុង Instagram ថា «នៅមិនទាន់រួចរាល់ ក្នុងការចែករំលែកនាងទៅកាន់ពិភពលោកនោះទេ»៕

ប្រភព៖ Kenh14

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ