កំពុងតែល្បីសុខៗ Hyein សមាជិក Newjeans ត្រូវផ្អាកសកម្មភាពក្រុម ព្រោះបញ្ហារឆ្អឹង

កូរ៉េខាងត្បូង៖ កាលពីថ្មីៗនេះ ADOR បានចេញមកប្រកាសថា Hyein ដែលជាសមាជិកក្រុម Newjeans ត្រូវផ្អាកសកម្មភាពជាមួយក្រុមជាបណ្ដោះអាសន្ន ដោយសារតែនាងត្រូវរបួសកំឡុងពេលហាត់សម ត្រង់ម្រាមជើង ដែលតម្រូវឲ្យនាងត្រូវសម្រាកសិន។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅក្នុងនោះគេបានបញ្ជាក់ថា Hyein មានការឈឺចាប់ត្រង់ម្រាមជើង ដែលត្រូវបញ្ជូននាងទៅមន្ទីពេទ្យដើម្បីស្កេនមើល ហើយគេបានរកឃើញថា ម្រាមជើងមានការបាក់ ឬប្រេះស្រាំ ដែលបណ្ដាលឲ្យនាង ត្រូវសម្រាកព្យាបាល និង មិនអាចធ្វើចលនាខ្លាំងបាននោះទេ។

ជាមួយគ្នានេះដែរ អ្នកគាំទ្របង្ហាញការព្រួយបារម្ភ និង សង្ឃឹមថា Hyein នឹងឆាប់ជា ដើម្បីត្រឡប់មកបង្ហាញវត្តមានជាមួយក្រុមរបស់ខ្លួនសារជាថ្មី។ គួរបញ្ជាក់ថា Newjeans មានគម្រោងនឹងចេញចម្រៀងនៅខែឧសភានេះ ប៉ុន្ដែអាចនឹងមិនមានវត្តមាន Hyein នោះទេ៕

ប្រភព៖ Koreaboo

• រូបភាព
• តារាកូរ៉េ