អន្តរជាតិ​៖ កាលពីថ្ងៃពុធ ទី 17 ខែ មេសា កន្លងទៅនេះ ភ្លៀងធ្លាក់មួយមេធំ បានធ្វើឲ្យទីក្រុងឌូបៃ រងការលិចលង់ជាខ្លាំង។ ដោយយោងទៅតាមការិយាល័យប្រព័ន្ធផ្សព្វផ្សាយរបស់រដ្ឋបានឲ្យដឹងថា ទីក្រុងឌូបៃ នៃប្រទេសអារ៉ាប់រួម នេះជួបភ្លៀងធ្លាក់ខ្លាំងបំផុត ក្នុងរយៈពេល 75 ឆ្នាំ ធ្វើឲ្យមានទឹកជំនាន់ជន់លិចទីក្រុង។

ទីក្រុងឌូបៃ 
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដោយតំបន់ខ្លះបានកត់ត្រាទឹកភ្លៀងលើសពី 250 មីលីម៉ែត្រ (ប្រហែល 10 អ៊ីញ) ក្នុងរយៈពេលតិចជាង 24 ម៉ោង។ទឹកភ្លៀងដែលបានជន់លិចផ្លូវថ្នល់ និងអគារដែលបាក់បែក គឺមិនធ្លាប់មាននៅក្នុងប្រទេសមជ្ឈិមបូព៌ា ចាប់តាំងពីការកត់ត្រាបានចាប់ផ្តើមនៅឆ្នាំ 1949។

ទីក្រុងឌូបៃ 

ក្នុងនោះនៅទីក្រុងឌូបៃ គោលដៅទេសចរណ៍ដ៏ពេញនិយម ជើងហោះហើរត្រូវបានលុបចោល ចរាចរណ៍បានបញ្ឈប់ ហើយសាលារៀនត្រូវបានបិទ។យោងតាមទិន្នន័យរបស់អង្គការសហប្រជាជាតិ បានឲ្យដឹងថា ភ្លៀង 100មិល្លីម៉ែត្រ (ជិត 4 អ៊ីង) បានធ្លាក់ក្នុងរយៈពេលត្រឹមតែ 12 ម៉ោង កាលពីថ្ងៃអង្គារ បើយោងតាមការសង្កេតអាកាសធាតុនៅអាកាសយានដ្ឋាន។

ទីក្រុងឌូបៃ 

ក្នុងនោះភ្លៀងបានធ្លាក់យ៉ាងគំហុក និងយ៉ាងលឿន ដែលធ្វើឲ្យអ្នកបើកបរយានយន្តមួយចំនួន ត្រូវបង្ខំចិត្តបោះបង់យានយន្តចោល ខណៈដែលទឹកបានជន់ឡើង ហើយផ្លូវថ្នល់ក្លាយជាទន្លេ។ភ្លៀងធ្លាក់ខ្លាំងបែបនេះ កាន់តែកើតមានជាញឹកញាប់ នៅពេលដែលបរិយាកាសកាន់តែក្តៅ ដោយសារតែការប្រែប្រួលអាកាសធាតុដែលជំរុញដោយមនុស្ស។

ទីក្រុងឌូបៃ 

បន្ថែមពីនេះ គណៈកម្មាធិការជាតិគ្រប់គ្រងគ្រោះអាសន្នរបស់ប្រទេសបាននិយាយថា នៅក្នុងប្រទេសអូម៉ង់ យ៉ាងហោចណាស់មនុស្ស 18 នាក់បានស្លា.ប់នៅក្នុងទឹកជំនន់ភ្លាមៗ ដែលបង្កឡើងដោយភ្លៀងធ្លាក់ខ្លាំង ដែលអ្នកស្លា.ប់បាត់បង់ជីវិតរួមមានសិស្សសាលាផងដែរ។

ប្រភព៖ CNN

ទីក្រុងឌូបៃ 
ទីក្រុងឌូបៃ 
ទីក្រុងឌូបៃ 
ទីក្រុងឌូបៃ 
ទីក្រុងឌូបៃ
ទីក្រុងឌូបៃ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]


SPONSORED CONTENT